Viðburðarríkir páskar - apríl 2022

 Ég ætla að henda hér stuttum minnislista yfir viðburðaríka páska 2022 og líka um apríl.

Fyrir páskana vorum við eiginlega ekki með miklar áætlanir í hendi en það breyttist fljótt:

Miðvikudagur. Sótti Viktoríu og Kristófer á leikskólann og átti góðan dag með þeim.

Fimmtudagur Skírdagur: Söng eina fermingarmesu og sóttum svo þau systkinin heim og fórum á rúntinn og í Húsasmiðjuna að heimsækja páfagaukana.  Síðan Jesus Christ superstar í Hörpu með Iðunni og Stebba og 1. í grilli hjá þeim áður

Föstudagurinn langi:  verkefnayfirferð hér heima og svo 2. í grilli hjá Ástu Júlíu og Ágúst, spiluðum svo nýju spilin mín, Dixit og Wizard.

Laugardagur: Liðið okkar í læri og bakað grænmeti, páskaratleikur í tveim útgáfum, einn fyrir stubbaliðið og svo flóknari fyrir stóra liðið. Þar sáum við að þau vita ekki mikið um páskana og Jesú. Þið getið reynt ykkur á þessum þrautum hér neðar.

Páskadagur: Eftir söng í  páskmessu með messukaffi með brauðtertum og páskaeggum fórum við í ferðalag á Snæfellsnes. Fyrst á Hótel Búðir þar sem við áttum gjafabréf frá Ingvar og Kristínu. Gengum þar um í dásamlegu veðri, fengum frábæran mat og sváfum í svítu. Gunnar bað um útsýni yfir hafið en starfsmaðurinn uppfærði okkur þá í herbergi með útsýni yfir jökulinn sem er líklega það sem flestir aðrir gestir sækjast eftir.

Annar í Páskum: eftir fínan morgunmat rúntuðum við upp að jökli, skoðuðum ýmsa hliðarvegi og svo í kaffi hjá Herði og Kristínu á Ólafsvík, svo til baka á Arnarstapa í borgara, gistingu og gott spjalla hjá Helgu og Óla. (gleymdum að taka mynd af okkur!)

Fyrst ég er byrjuð á þessari upptaliningu ætla ég að hafa restina af apríl með, við eins og margir aðrir erum búin að vera mikið út á lífinu, ég man varla hvernig eldavélin virkar!

1. apríl fórum við að spila til Möggu og Ínu og tókum með veitingar

2. apríl kom Viktor í gistiheimsókn og við spiluðum tölvuleiki og borðuðum úti á Rif.

3. apríl var Arnar Ingi Valdimarsson fermdur

5. apríl tók kirkjukór Víðistaðakirkju upp útvarpsmessu fyrir föstudaginn langa svo það er búið að vera töluvert um söng, fermingar allar í venjulegu standi, 3. apríl, Pálmasunnudag og skírdag.

8. apríl fórum við loks á 9 líf, Erla og Villi fóru með okkur og við borðuðum fyrst á Finnson. Mig er lengi búið að langa til að fara þangað og varð ekki fyrir vonbrigðum og mæli eindregið með sýningunni.

9. apríl heimsóttum við Daða á flottu leirlistasýningunni hans 

10. apríl fórum við á bryggjurúnt, sem endaði með heimsókn í Kolaportið og High tea á apótekinu, alveg svona óvænt, en þannig er lífið oft með Gunnari

20. síðasta vetrardag Hereford steikhús að kveðja samstarfsmann Gunnars

21. sumardaginn fyrsta buðu Ingvar og Kristín okkur á Vestmannaeyjatónleika í Hörpu

22. apríl Fórum við á eftirminnilega sýningu í Þjóleikhúsinu, Hliðstæður veruleiki þar sem áhorfendur eru með sýndarveruleikagleraugu og eru þátttakendur í atburðarásinni. Tryggvi, Hlín og Skúlína voru með okkur og við ræddum sýninguna á Geira Smart að henni lokinni.

23. apríl var svo Gabríel Veigar fermdur en það er eiginlega efni í sér póst

Svo fer ég á barinn með samkennurum á morgun og svo til Parísar á fimmtudag svo það er enginn endir á gleðinni.

Ég sé að ég er ekki alveg að standa mig í myndtökunum en hér er albúm með ágætu úrvali

Páskaþraut

Þið finnið stafina með því að vita eitthvað um Jesús og páskana – megið ekki gúggla. Raðið svo saman stöfnunum í orð sem er vísbending um næsta stað 

Jesús fékk þetta að drekka á krossinum  (1 stafur)

Garðurinn þar sem Jesús var handtekinn  (1 stafur)

Hvað heitir dagurinn fimmtudag fyrir páska  ( 1 stafur)

Mamma hans Jesú  ( 2 stafur)

Hæðin þar sem Jesús var krossfestur (6 stafurinn)

Borgin sem Jesús fæddist í (fyrsti stafurinn)

Jesú var nelgdur á ….. (fyrsti stafurinn)

Sá sem var landstjóri þegar Jesús fæddist ( 4 stafurinn) 

Seinni þrautin:

 Lærisveinninn sem afneitaði Jesú 3 sinum (fyrsti stafurinn)

Lærisveinninn sem sveik Jesú (síðasti stafurinn) 

Hvað hét dýrið sem Jesú reið inná í borgina sunnudeginum fyrir páska?

Fjöldi silfurpeninga sem sá fékk sem sveik Jesú (2 stafurinn) 

Á krossinum voru fjórir stafir, þetta er sá fyrsti

Lærisveinninn sveik jesú með …..  (þriðji stafurinn

Fjöldi lærisveinanna ( 1 stafur)

Borgin sem Jesú reið inní sunnudaginn fyrir páska (2 stafur)

Lærisveinninn sem skrifaði guðspjallið og er oftast lesið á Jólunum (1 stafurinn)

Þegar Jesús hitti Lærisveinana á Hvítasunnudag fylltust þeir ……. (5 stafurinn)

Annáll 2021

 Þegar maður hugsar til baka til þessa árs er eiginlega hinn blessaði corona vírus faraldur það fyrsta sem maður man eftir. En líklega á ársins mest að verða minnst sem ársins sem pabbi kvaddi, tvö frábær brúðkaup og upphaf lágkolvetnalífstílsins.

En ef ég reyni að fara skipulega í gegnum þetta þá 

Janúar 

- þá fór ég í Rjóðrið með Möggu, Ínu og Gerði.

Febrúar

- fór með strákunum og Dagbjörtu í keilu

- Kardimommubærinn með fimm barnabörn og Viktor og Guðmundur í gistingu

- í indverskan mat og spil til Möggu og Ínu

Mars- skrifaði hellingu um hann hér því við fórum vestur, mokuðum í gróðurkassa, keyptum húsgögn á pallinn og fleira skemmtilegt

Apríl

- Páskarnir voru skemmtilegir, við fengum krakkana til okkar í tveim hollum vegna sóttvarna, svo það var keyrður tvisvar mikill ratleikur um allt hús og voru mínir strákar nokkuð einbeittir í því að leysa þrautir, en hinum fannst þetta helst til langt en fundu eggin samt.

- Hótel Hella með Möggu og Ínu

Svo kom Guðmundur og gisti og ég fór í stutta vinnuferð á Hrafnagil.

Eldgosið er auðvitað líka eftirminnilegt, við vorum með matargesti, Huldu frænku Gunnars og kærasta hennar hann Birgi sem er flugmaður og hann fór fljótlega að fá skilaboð svo við kveiktum um leið á sjónvarpinu og sáum fréttirnar. Í næstu ferðum suðreftir var gaman að sjá þetta náttúrufyrirbæri og ósjaldan rúntuðum við niður að golfvelli til að horfa yfir.

Apríl bar líka með sér sorg en Sigurlaug Ragnarsdóttir vinkona okkar og eiginkona Harðar lést 23. apríl eftir langvarandi baráttu við krabbamein. Við höfum flakkað með þeim um allan heim og landið vítt og breitt og hennar verður sárt saknað. Hér erum við 2015 í einhverjum bíltúrnum.

Maí

Þá dó ískápurinn í bílskúrnum og Gunnar hélt það nú að við gætum verið án þess, en breytti fljótt um tón þegar honum var bent á það að við þyrftum almennilegan frysti til að geyma aflan af Heiðari, svo við festum kaup á frystikistu.

Við buðum Guðmundi og Einari Inga á sinfóníutónleika að hlusta á tónlistina úr Kardimommubænum.

Matarboð hjá Gerði og Jóni sem endaði í miklu partíi, man ekki að það hafi verið neitt tilefni en gaman var það.

Við Ásta Júlía fórum á golfnámskeið í Þorlákshöfn og fengum eiginlega bara einkakennslu. Það varð reyndar ekki mikið um golf meira þar sem önnur verkefni tóku við.

Rétt fyrir uppstigningadag fengum við að vita að pabbi væri með krabbamein og þann dag kom hann til mín í mat, ég vissi ekki þá að það yrði í síðasta skiptið. Hann og Þórunn höfðu líka komið til mín í svið í lok apríl og síðan hef ég boðið henni stundum til mín.

Júní

Þetta sumarið fórum við í fjórar gönguferðir með Oddfellow, um Straumsvík, um Elliðaárdagl, um Búrfellsgjá sem er rétt uppaf Heiðmörk og svo í lok sumars um Hólavallakirkjugarð.

Í byrjun júní fórum við til Vestmannaeyja, það var sjómannadagur og mikið um að vera. Gunnar linnti heldur ekki látunum fyrr en ég hafði samband við Helgu og Arnór og við áttum með þeim skemmtilegt kvöld.  Hér er mynd af mér við mynd af Gyðu Arnórsdóttur, ömmusystur minni mömmu Arnórs, en hún lést í 26. janúar en var fædd 25. maí 1922.

Við keyrðum um og reyndum að skoða eitthvað í rigningu og þoku en Gunnar þarf greinilega að elta mig í næstu vinnuferð þangað til að sjá náttúruna almennilega.

Gleðin í júní var að fara í giftingu vina okkar. Ásta Júlía og Ágúst Magni giftu sig 19. júní í kirkju og veislan var á Miðhrauni.  Gestirnir voru eins og kálfar að vori að sleppa út og það var mikil gleði. Nýju hjónin voru alsæl og rauð í bak og fyrir. Ég söng fyrir þau í athöfninni Grow old along with me eftir John Lennon.  Sjá meiri myndir hér

Þessir stubbar áttu með okkur góða dag, fórum í sund, á Kentucky og horfðum á Hrafnhildi leika leikrit í Hellisgerði.

Júli

Um júlí má lesa í bloggfærslum, fyrst um ferðina austur á djúpavog og um útför pabba og síðast um samveru með systkinum mínum í kringum hana og tyrfingu á garðinum.

Áfram héldu systurnar gleði og sorg að tala saman, því viku eftir útför pabba giftu Magga og Ína sig við Nauthólsvík. Yndisleg athöfn undir berum himni og heljar partý á veitingastaðnum. Ég klikkaði eitthvað á myndatökunum svo ég hef stolið myndum frá öðrum af þeim  og líka af okkur Gunnari að flytja Brendu Lee lagið If I didn´t care.

Geggjaður dagur í alla staði.

Gleðin yfir lífinu hélt áfram því Viktoría Amaka sem varð 1 árs 2. júlí var skírð 24. júlí úti á palli hjá okkur af Séra Arnóri, þeim sama og jarðaði Pabba. Góður dagur með grillborgurum og sprækri dömu sem skildi ekkert hvað þessi maður var að sulla á hana vatni og sofnaði svo þreytt hjá ömmu sinni.

Við enduðum svo júlí með því að bera á pallinn og grilla með Kristínu og Ingvari.

Ágúst

Var eitthvað rólegur, enda Covid og leiðindi. Við fórum í Rjóðrið með Möggu, Gerði og co og höfðum það dásamlegt að venju.  Gunnar fór þrjá daga norðu í veiði með Tuma, Ingvari og fleiri gæjum.

September

Í byrjun september vorum við aftur í öndverðarnesinu en að þessu sinni með Iðunni og Stebba, spiluðum golf á rennblautum vellinum við Úlfljótsvatn og sungum karaóke fram á rauða nótt. Þá vissum við ekki að það yrði síðasta heimsóknin í Bjarmaland því þau hjónakornin seldu bústaðin í árslok, en fyrr á árinu höfðu þau flutt úr Hafnarfirðinum í Lund í Kópavogi og hyggjast nú á meiri ferðalög á erlenda grund.

Haustið

Þrátt fyrir covid tókst okkur samt að gera helling á haustinu:

- fara á Fjörukránna þegar Viktor átti afmæli

-heimsækja Hörpu með Svövu Tönju og hlusta á níundu sinfóníu Bethovens og á óperuna að sjá La Traviata.

- kosningavaka með Möggu og Ínu

- 9. okt Stuðmenn og Kopar með systrum mínum.

- afmælishátíð HÍ og ég stalst aðeins á pöbbarölt.

- geggjað Halloween búningaafmæli hjá Guðmundi Pálma

- annað geggjað matarboð hjá Gerði og við gistum á hótel Keflavík

Óvissusaumó hjá Möggu með sjósundi og ég fór líka í sjóinn með hóp frá HÍ svo settum við Magga það okkur að fara alltaf á fimmtudögum og náðum nokkrum góðum ferðum áður en annir urðu of miklar.

Í allri þessari upptalningu er nokkur matarboð með góðum vinum ótalin, en við hittum amk. Kristján og Rhonu, Daða og Dísu, Ástu Júlíu og Ágúst, Kolbrúnu, Berglindi og þeirra karla. Líklega gleymi ég einhverju en vonandi er það skráð í myndum en voru allt góðar stundir með mat, vín, spjall og stundum spil.

Barnabörnin

Gunnar fór með öll eldri börnin í menningar- og skemmtireisu á árinu: Með Hrafnhildi í Listasafn Íslands í janúar, með Baltasar í axarkast og nokkrum sinnum í sund. Við fórum með Gabríel á Selfoss, í Draugasafnið og að skoða strandaðan hval við Þorlákshöfn.  Litlu stubbarnir heimsóttu okkur öll oft og má sjá þau í myndasafni ársins í pottinum, tölvuleikjum, göngutúrum, rólóum og við eldhúsborðið. 

Hér má lesa og hlusta hvernig kórastarfið var árið 2021

Af krökkunum er meira og minna gott að frétta. Ingvar og Kristín hafa fest kaup á húsi og flytja með allan skarann sinn til Grindavíkur í ársbyrjun. 

Lilja er farin að vinna á tannréttingastofu, krílin í leikskóla og eru hress og kát og Daníel vinnur og vinnur hjá Aðföngum. 

Bergþóra Sól kynntist honum Birki sínum og við sáum lítið til hennar um miðbik ársins en hann bjó þá í Njarðvík. Hún kláraði B.S. gráðuna sína í hagfræði og útskrifaðist í haust og hélt fína veislu. Hún byrjaði aftur að vinna hjá Skeljungi í vor og er þar enn. Eftir að hún skilaði ritgerð fóru þau til Spánar og fluttu svo saman á Hlíðarenda svo nú erum við tvö í kotinu.

Pétur er hjá Héðni og spilar tölvuleiki í gríð og erg og stundum Dungeons and dragons. Jón og Dagbjört eru í Innri Njarðvík, hún í sinni umönnunarvinnu og hann puðar í háskólabrú Keilis og er langt kominn með hana.

Við erum heppin með þennan skara allan, þau koma og aðstoða okkur við viðhaldið og garðinn og að öðrum ólöstuðum á Ingvar extra þakkir skyldar fyrir öll sín handtök og að gefast ekki upp á verkefnum sem við værum löngu búin að leggja árar í bát eins og að festa upp viftuljós í svefnherberginu.

Annars leit árið mest svona út, ég í bláaherberginu að kenna, vinna og funda. Í vinnunni hjá Gunnari standa yfir breytingar og þau hafa töluvert mætt uppá Stórhöfða. Okkur heilsast báðum vel. Í ársbyrjun ákváðum við að fara á kolvetnasnautt fæði og höfum losað okkur við tugi kílóa. Gunnar fær bara góðar skoðanir hjá hjartalækninum. Ég fékk lyf við háþrýsting og losaði mig við sykur í blóði.

Ég ætla líka að setja það hér til minnis að þetta er árið sem ég ætlaði að losna við gleraugun. Ég fór í ótal mælingar og til tárahjúkrunarfræðings vegna slæmrar tárafilmu. Ég hitaði og nuddaði augun í mánuð til að vinna bug á því en þegar upp var staðið var ég  hvorki kandidat í leiser né augnsteinaskipti. Jú þeir gátu gert það en með 80% líkum á að ég þyrfti áfram lesgleraugum neð lélega tárafilmu og síbreytilega sjónskekkju.  Svo spurði Berglind mig hvort ég gæti ekki fengið linsur, og jú það var hægt og nú er ég búin að vera með slíkar í mánuð, annað augað með lesstyrk og hitt með frá mér styrk og gengur bara vel. Rendurnar inná augnlokunum eru fitukirtlar sem gera tárafilmuna.

 Nú þegar ég er búin að skrifa þetta allt er ég búin að skipta um skoðun, þetta var frábært ár með mörgum gleðilegum viðburðum með þeim erfiðu.  Við Gunnar þökkum alla þessa gæfu og horfum bjartsýn til komandi árs.

Hér eru svo úrval af myndum ársins.

2018 Annáll

Alltaf þegar ég sest niður til að skrifa annaálinn fárast ég yfir því að hafa ekki bloggað meira. En með hjálp frá myndum og dagatali tekst nú að halda flestu til haga.

Þegar ég fletti í gegnum myndirnar er eiginlega þrennt mest áberandi, vinnumyndir sem ég tek mikið af, ferðalög og svo barnabörnin, eiginlega mest barnabörnin.  og sextugsafmælið, maður minn,  hér eru myndir úr því, en það var grímuball með 99 kynlegum gestum haldið í Firði uppi á 7 hæð í huggulegum sal.  Meiri myndir hér   og hér partýið hét Gunnars....

Viktor Darri var mikið hjá okkur, bæði var mamma hans dugleg að vinna bæði hjá Símanum og svo í heimahjúkrun, og svo Kolaportið með.  Þau voru svo hjá okkur nokkrar vikur meðan þau voru milli íbúða. Svo bættust við ferðir til Danmerkur að hitta Ingvar sem nú er fluttur til hennar með sín tvö börn. Kristín Hrönn átti líka stórafmæli og hélt uppá árin 30 með partýi þar sem gamla settið mátti fljóta með.

Viktor er algjör fjörkálfur eins og myndirnar bera með sér, alltaf á fleygiferð, farinn núna í árslok að tala alveg helling, m.a. að stríða afa sínum og kalla hann Gunnar, eða Gunnaf, og vill alltaf koma mef.  Honum finnst mjög gaman að ipadinum hjá ömmu, að láta hana byggja legóturna sem hann fellir með ýmsum kúnstum, sparkar og fellir með bumbunni. Sennilega finnst honum þó mest gaman að fara í göngutúra, oftast með afa að heimsækja fuglana niðri við læk og róluvelli í nágrenninu.
Við sjáum minna af Gabríel en samt hann kom í heimsóknir, bakaði eplakökur, spilaði og fór í göngutúra.  Við buðum honum og Hilmi Breka að sjá Dýrin í hálsaskógi í janúar, en þá komst Guðmundur Pálmi ekki vegna veikinda.

Guðmundur kemur í heimsóknir, leikur með legó og bíla, hann vill helst fara í sund og leika með iPadinn. Í sumar áttum við svo góðar stundir með þeim öllum saman í sumarbústað í Öndverðarnesi.

Svo eru það ferðalögin:
Febrúar fór ég í  DILE vinnuferð til Finnlands í dásamlega fallegan en nístandi kulda.  Í apríl hitti ég svo sama hóp í Noregi og sá enn meira af upplýsingatækni í leikskólum.

Næsta ferðalag var stórt og mikið.  Þá fór ég til Bukarest í námsheimsókn í Makey evrópuverkefni. Ég skrifa um fyrstu dagana í þeirri ferð hér, þá var ég að heimsækja háskóla, fablab smiður og leikskóla.  Gunnar kom í heimsókn og við áttum góða daga, skrifa um þá hér.  En svo hittum við líka  Svein frá Njarðvík sem var með mér í söngnámi, fórum með honum, foreldrum hans í óperuna og svo með þeim og tengdafólki í svaka spa Therme.  Fórum einnig til Constanta og böðuðum okkur í Svarta hafinu.

Síðan fór ég beint fra Búkarest til Aarhus á verkefnafund meðal annars með kollegum mínum Sólveigu og Skúlínu.

Fyrst ég var komin til Danmerkur fór ég i afslöppun á kránni með heimafólki þar í nokkra daga.

Stærsta ferðalagið var í ágúst með Herði og Sillu til fjögurra ríkja í Bandaríkjunum, keyrðum mikið og sáum stórkostlega náttúru.  Skrifa um það hér. Frábært að skoða sig um í margbreytilegri og fallegri náttúru í Colarado, New Mexico, Arisona og Utha. Mjög eftirminnileg ferð, skrifa meira um hana hér.

Strax í september var næsta ferðalag og þá með Frú Láru, starfsmannafélaginu i vinnunni hjá Gunnari til Þýskalands og Austurríkis, stutt ferð en bráðskemmtileg. Skrifa um hana hér.

Við fengum líka góða gesti.  Í febrúar kom Audrey Shih og kærastinn hennar.  Hún var með mér í náminu í Leeds og er mikill áhugaljósmyndari.  Við fengum lánaðan jeppa hjá Daða og fórum hring um Reykjanesið í ósnertri mjöll og fallegu veðri.  Stoppuðum í hádegismat í Grindavík og að skoða bátana.

Í febrúar voru Anita og María á landinu, við fórum í göngutúra, í þjóðminjasafnið og uppí Hallgrímskirkju.

Ég byrjaði árið með því að fara með Möggu og Gerði í sumarbústað, áttum dásamlegan tíma svona hálft í hvoru í tilefni þess að Magga varð 50, við urðum veðurtepptar og græddum auka nótt til að hanga á náttfötunum, fara í sund, spila, kjafta og fá okkur púrtvín.

Pétur smíðaði handa mér kertastjaka á afmælinu mínu, og við Bergþóra spiladrottningarnar buðum í spil og kaffi.

Frá páskunum finn ég engar myndir nema af tertu og hamborgarahryggjum, en ef ég man rétt var ég með eitthvað af okkar börnum og systkinabörnunum í mat.

Við fórum víst í mars í sumarbústað í mars, Hörður og Silla ætluðu með en Gunnar var að verða veikur og endaði með lungnabólgu, hann endaði árið líka þannig og má greinilega passa sig á flensunum.  Hann er annars bara hress en ekkert brálæðislega kraftmikill.  Fyrri hluta árs var hann í Hjarta og lungnastöðinni í leikfimi og fór svo undir árslok í karlajóga, segir það erfitt en er greinilega ánægður þar.  

Gunnar fór í veiði norður í land með Tuma og Daða og fleirri körlum. Með Oddfellow fórum við á glæsilega árshátíð á Hótel Selfossi, en ég missti af flestu öðru eins og jólaboðinu.

Ég fór ein á Ljósanótt að þessu sinni og stoppaði bara yfir daginn, hitti ´66 hlutan af saumaklúbbnum, en okkur tókst öllum saman að heimsækja Helgu fyrir vestan í apríl.

Krakkarnir okkar eru hressir.  Bergþóra býr enn hjá okkur, hún kláraði stúdentspróf í maí og byrjaði í hagfræði í haust og gengur bara ljómandi vel miðað við hvað þetta er stíft nám.

Lilja Björg er flutt suður og leigir í Engihjallanum með Daníel og þau eiga von á dreng nú í upphafi árs. Hún kláraði MS í sálfræði frá HA síðasta haust og vinnur nú á geðsvið LÍ. 

Það var aldrei haldin veisla og útskrift Bergþóru var meðan ég var i Rúmeníu svo að í júní var slegið í allserjar útskriftarteiti fyrir MS og stúdent. 

Ég er alltaf á fleygiferð, bara dugleg í leikfiminni og næ oft þrem tímum í viku.  Syng með Samkórnu sem var bæði með vortónleika og jólatónleika, auk þess að syngja í Hörpu 1. des á a 80 ára afmælisfagnaði blandaðra kóra. Við vorum rausnarleg og fórum í æfingabúðir á Hótel Örk bæði vor og haust.  

Kór Víðistaðakirkju er líka búinn að vera mjög virkur, sungum á Lúthersafmæli, og svo allt þetta venjulega en ég gat ekki alltaf verið með vegna ferðalaga og annara anna. Þau komu öll í þorrapartý til okkar í febrúar. Við sungum með Eyþóri Inga annað árið í röð og alveg hægt að mæla með þeim skemmtikrafti.

Jón glímir við sína djöfla en býr nú með Dagbjörtu frænku Gunnars.

Pétur er hress, enn i Héðni og í Keflavík. Hjá honum kemst ekkert að nema frisbí golf og hann vann almennan flokk á íslandsmeistaramóti í frisbígolfi. .  Hann gefur sér samt smá stund til að heilsa uppá okkur og rétta hjálparhönd þegar þarf.

Já við byrjuðum víst á því í sumar að mála húsið en svo bara rigndi og það er enn hálfklárað.  Það var samt stundum sól og frekar hlýtt svo það óx allt vel og eftir tvö vor þar sem ég er í burtu er illgresið næstum búið að ná yfirhöndinni.

Svo gerðum við eitt og annað skemmtilegt. Gunnar gaf mér síðustu jól námskeið hjá endurmenntun HÍ um Rocky Horror Picture show svo við fórum þrjú kvöld og lærðum eitt og annað auk þess að skemmta okkur konunglega, sérlega á sýningunni sjálfri 15. mars  sem var gjörsamlega frábær.

Auk þess sem hefur verið upptalið eru hérna að auki nokkur atriði;

27. janúar  Ellý - Með Ínu og Möggu

17. febrúar Phantom of the Opera, tónleikar með Ástu Júlíu og Ágústi

5. maí Missa Creola- Söngfélagið í Korpúlfstöðum með Ástu Júlíu

22. júlí matarboð hjá Kristján og Rhonu

10. október Blíða 100 ára, súpa hjá Ingibjörgu Vald

23. október  60 ára afmæli BHM

27. október Brunch með frænkum Gunnars að norðan

3. nóvember í mat, spil og kokteila til Gerðar og Jóns.

Nóvember vinnuferð á Grundarfjörð Makerý

10. nóv, Von mathús með Daða og Dísu, jólagjöf frá Bergþóru

11. nóvember  Langur göngutúr og Pallett með Daða og Dísu

30. nóv jólahangikjöt Menntavísindaviðs - ég söng í kvartett.

1. des  Jólahlaðborð Frú Láru og félaga uppi á höfða.

18. des, Eyþór Ingi með stelpunum, í stað Gunnars.

23. des, Þorláksmessurölt og matur á Skólabrú með Herði og Sillu.

25. des. Fjölskyldan í mat, öll börn og barnabörn.

27. des Kristján, Rhona, Steingrímur í mat.

28. des  Ása Júlía og Ágúst í mat og spil

31. des Kristín, Ingvar, Gabríel Veigar, Hrafnhildur, Baltasar, Viktor Darri, Lilja Björg, Daníel, Iðunn, Stebbi og Svava Tanja í áramótapartýi.

Systurnar með pabba í jólaboði hjá Möggu.

Allt þetta og meira til þannig að þegar farið er yfir árið þá er nú hægt að segja að við gerðum nú eitt og annað. Það er um að gera að nýta tímann og lifa lífinu núna og það er búið að plana helling sem við ætlum að gera á áriðnu 2019 sem verður vonandi gott og gæfuríkt ár.

Hér eru svo meiri myndir