Lake district yfir í Norður Pennines.

Dagur þrjú var dagurinn sem við fórum frá Lakedistrikt yfir í norður Pennines. Við höfðum nú ætlað okkur að fara á Beatrix Potter safn þar sem við höfðum fallið fyrir bíómyndinni um hana svo við settum stefnuna beint á Windermere en þegasr við komum að safninu sáum við að það var kannski ekki það sem við áttum von á heldur meira stílað inn á börn og persónurnar sem hún skapaði World of Beatrix Potter, hinu megin við vatnið virtist vera safn með málverkunum hennar og trúlega þá líka eitthvað um l´ðif hennar en of löng keyrsla fyrir þann dag. Svo við sátum bara í sólinni og röltum um. Windermere er stútfull af túristum, heilu rúturnar í löngum með bunum svo það var aðeins öðruvísi upplifun.

Windermere to North Pennines

Keswick er líka með mikið af túristum en það eru meira bretar að fara í göngutúra og annað andrúmsloft. Svo keyrðum við af stað mjóu vegina með öllum beygjunum og trjágöngunum, oft þannig að næstum þurfti að stoppa til að víkja þegar bílar mættust og á löngum köflum eru hlaðnir veggir á báða vegu svo lítið svigrúm. Ég keyrði víst ansi rólega því ég var alltaf að safna röðum og hleypa fram úr mér. Smá hluti af leiðinni var um A vegi en fljótt tóku við mjóir vegir aftur. Líka upp móti því svæðið sem við vorum að fara að heimsækja er í 400 m hæð svo ég mátti bruna upp langa brekkur, svo sem allt í lagi, ég var allavega á bíl en ekki á reiðhjóli eins og margir túrhestarinr þarna en það er vinsælt að hjóla á þessum slóðum. Navigatorinn vildi nú ekki alveg finna Lovelady út frá póstnúmerinu og fór með okkur troðning uppá hæð, en ég þóttist hafa séð skiltið og fór til baka og fór á réttan stað. Hótelið er alveg úti í sveit, Lovelady Shield Country House rosa krúttlegt og allt voða fínt með hvítu damask og ekta silfri.

From Windermere to North Pennines

Við fórum þangað því við höfðum fundið tilboð með gistingu og sjö rétta matseðli. Sjö rétta matseðillinn var frábær, allt mjög gott en samt ekki mikið vá:

Gourmet Tasting Dinner

Beef tomato, many accompaniments, mozzarella mousse.

Wine Selection (125ml.)          Rheinhessen Spatlese  Oppenheimer Krotenbrunnen 2009 (Rhine) Germany

ooOOoo

Sweet potato velouté.

ooOOoo

Trio of salmon, home smoked, tartar, civiche.

Wine Selection (125ml.)                                                                                 La Brouette Rosé Plaimont (France)

ooOOoo

Lemon  sorbet

ooOOoo

Trio of spring lamb, braised shoulder, herb crusted loin, shepherds pie, daulphine potato, spring vegetables, jus

Wine Selection (125ml.)                                                        Merlot Limited Release Bain’s Kloof (South Africa)

ooOOoo

A selection of local cheeses.

Wine Selection (50ml.)                                                                          Monbazillac 2009 Chateau Septy (France)

ooOOoo

Caramel poached pineapple, rum sphere, coconut gel, pineapple and lemongrass sorbet.

ooOOoo

Freshly brewed coffee

Lake district and Manchester

jæja þá erum við Gunnar farin saman af stað í útskriftarferð/frí til Englands.

Fluginu okkar út var seinkað um tvo tíma sem við vorum bara hamingjusöm því þá gátum við sofið aðeins lengur. Við byrjuðum nú daginn á undarlegan hátt, mun allavega mörgum finnast en við ákváðum að bjóða tveim couchsurferum að vera í húsinu okkar í tvær nætur. Þau eru þýsk, búin að vera á ferðalagi í 11 mánuði og búin að blogga um allt ferðalagið. Þegar við lentum í Manchester fengum við glænýja ford Fiestu til leigu, Gunnar hafði gleymt ökuskírteininu sínu svo ég sé um aksturinn í þessari ferð.

Við fórum beint inn í miðborg Manchester og keyptum jakkaföt á Gunnar sem vill vera fínn í útskriftinni. Ég var búin að panta tvo kjóla og Hulda kemur með þá þegar við hittumst.

Keyrðum í dag góðan hring frá Keswick sem er við Derwent upp skarðið, ís í Buttermere og svo áfram hringinn í kringum fjallið á kortinu.

 Landsslagið sem oft á tíðum minnir á Ísland en er samt svo ólíkt Íslandi. Sumar sömu plönturnar, burknar og fingurbjargarblóm eins og ég er með í garðinum. Blóðbert og fífur en svo fullt af öðru sem ég þekki ekki. Svo ekki sé talað um trén. Við gengum í dag inni í skógi það er nú eiginlega blekking þessir skógar, þeir eru bara grænir efst og í jöðrunum allavega í þessum voru trén aðframkomin og hálfhrinin, mjög grönn og vögguðu ískyggilega. Mér gekk alveg ágætlega að venjast því að keyra aftur á vinstri hlutanum, en samt ansi snúið að keyra í dag þar sem vegurinn var rosalega mjór á köflum og svo stoppaði ég í brekku þar sem hallinn var mjög mikill og átti í erfiðleikum með að taka af stað aftur. En uppi á fjallaskraðinu er mikil náma af flögusteinum (slate) Honister Slate Mine við stoppuðum þar og gengum eftri gömlum brautateinum. Situm núna á The Inn at Keswick þar sem við gistum með rauðvínsglas, vorum að klára fínan kvöldverð og erum með tölvu og ipad uppi við þar sem netið virkar eiginlega ekki uppi á herberginu sem er með hallandi gólf og gluggasæti, eina og Hulda kallaði það character eins og þeir gera á vefsíðu hótelsins :) . Hér eru allar myndirnar frá deginum

2013 07 Lake district

EDEN Oslo

Annar hluti ferðar minnar í Júní var að fara á EDEN ráðstefnuna Joy of Learning í Oslo EDEN stendur fyrir European Distance and E-Learning Network svo ráðstefnan var um allskonar notkun á upplýsingatækni við kennslu, mest samt á háskóla og framhaldsskólastigi. Ég var þarna að kynna þetta veggspjald frá Menntamiðju Ég kynnti veggspjaldið fyrir öfráum því miður, kynningunni var illa stýrt, ég fékk ekki spurningar sem myndu gagnast okkur við rannsóknina sem við erum að vinna í kringum Torg og Menntamiðlu. Áheyrendur höfðu miklu meiri áhuga á starfsemi torgana og nokkrar spurningar um frumkvæði og fjármögnun þeirra.

Þetta er risaráðstefna og ég fór á marga fróðlega fyrirlestra og vinnustofur. Annars var ráðstefnan skemmtileg, stóru málefnin virðast vera: Mooc, hvað eru þau, til hvers eru þau, eru þau kannski bara upprennandi peningavélar, hver verður framtíð háskólagráða, mun verða þörf á þeim, ungt fólk er í auknum mæli að afla sér sjálft þekkingar eftir óhefðbundnum leiðum heyrði ég sagt en ekki fært fyrir því nein gögn. Upplýsingatækni og kennsluhættir: kennarar hafa ekki TPCK, eru ekki þjálfaðir, .... en ég var að verða svolítið pirruð á þessu, var ekki þarna saman komin hópurinn sem ætti að vera að safna saman tækni-kennslufræði og koma henni á framfæri við vettvang ?? Mér er spurn en engin svör. Svo var svona rokkstjörnufílingur þegar aðalfyrirlesararnir voru Sir Ken Robinson í gegnum fjarfundarbúnað og Sugata Mitra. Fyndið samt að eftir allt klappið sem þeir fengu voru spurningarnar sem þeir fengu beittar og svo heyrði maður allskonar gagnrýni á hugmyndir þeirra. Ráðstefnan var haldin í Háskólanum í Oslo í Blindern kampusnum, í nýlegu og fínu húsi en svo fyndið að rétt fyrir utan það var bjalkakofi og bæði kvöldin voru þar stúdentar að grilla boragara fá sér bjór og ábyggilega að halda upp á próflok. Oslo er skemmtileg og ráðstefnukvöldverðurinn var í herklúbb, Oslo Militære Samfunds Selskaps- og Konferanselokaler þar sem maturinn var frábær og þjónustan með hernaðarlegri nákvæmni, þjónarnir stilltu sér upp við borðsendana með vínflöskur eða mat og fóru svo saman af stað til að skenkja eins og marserandi herdeild. Maturinn á diskum með gyllingu og silfurhnífapor á hvítum damaskdúkum. Gerist ekki flottara enda kóngurinn í klúbbnum og málverk af kóngum upp um alla veggi. Hér eru myndirnar mínar frá Oslo.

EDEN Oslo

Ég var hagsýn í þessari ferð og í Oslo gisti ég hjá henni Bergþóru sem er dýralæknir, fyrrverandi nemandi minn og dóttir vinkonu minnar. Mikið gaman að hitta hana og spjalla eina kvöldstund en hún er búin að búa í Oslo frá því hún hóf nám þar 2007 sem nú er lokið og daginn eftir að ég fór flutti hún sunnar til að hefja störf á stofu. Takk fyrir mig Bergþóra.

ISSE 2103 Helsinki

Núna er ég nýkomin frá Helsinki, fyrsta ferðin mín þangað. Ég var á samkomu sem heitir International symposium on science education ISSE ég fór þangað með veggspjald um starfssamfélagið Náttúrutorg


Þessi ráðstefna er meira sniðin að kennurum en rannsakendum. Þemað var menntun til sjálfbærni og velt upp mörgum hliðum af fólki úr ýmsum áttum. Hún hefði eflaust nýst mér betur ef ég væri að kenna slíkt en það sem ég allavega lærði þarna var hvernig mætti skipuleggja svona námsskeið um ýmis aðkallandi þemu fyrir kennara, kannski ekki ósvipað og fræðslan sem við sóttum um 2006 í tengslum við verkefnið "Virkjum vísindin og hugvitið hjá unga fólkinu". Þá einmitt fengu skólarnir á Suðurnesjum vetnisbíla eins og voru kynntir þarna í vinnustofu sem ég fór í.
Annað sem ég þarf að skoða betur eftir þessa ferð er verkefnið Scientix, Evrópusambandsverkefni um ef ég skil rétt að safna saman upplýsingum um námsefni, rannsóknir sem kostuð hafa verið af EU, samt skildist mér á verkefnastjóranum sem ég ræddi við að hvaða verkefni sem er gætu verið með en sá samt ekki alveg ávinningin af því.

Isse 2013 Helsinki

Ég var nú svo óheppin í þessari ferð að ná mér í hundleiðinlegt kvef og gerði lítið annað en það sem var fyrirfram ákveðið.
Ég gisti á Hotel AVA, ósköp þægilegt og einfalt, og 16 mínútur að ganga að Kumpala kampusinn þar sem ráðstefnan var. Til stendur að fara aftur til Finnlands næsta vor  á NFSUN norræna ráðstefnu um náttúrufræðimenntun og ég veit ekki hvort ætti að vega þyngra að gista niður í bæ og geta sérð og gert eitthvað spennandi eða að geta gengið á ráðstefnuna? Þetta hótel er reyndar ábyggilega eitthvað ungmennafélagsdæmi, ekki bar, ekki opið allan sólarhringinn en annað fínt. Það tekur 30 mín að fara með sporvagni eða strætó á milli og en um 40 mínútur með strætó á flugvöllin.
Eins og sést á myndunum heimsóttum við Helsinki Observatorio fínasta skemmtun og svo dinner cruise, þar sem við sigldum um fjörðinn og fengum fínan kvöldmat. Kvöldverðurinn var í gamalli víraverksmiðju og bara fínn, en ekki meira en það.

Menning í mars

Við keyptum ekki nein áskriftarkort í vetur og erum þar af leiðandi ekki búin að fara á mikið af tónleikum né leikhúsum. Í gegnum miðavaktina á midi.is datt samt inn tvennt sem ég hefði alls ekki viljað missa af núna í mars.
Fyrst fórum við á "Af fingrum fram-Diddú" þetta voru alveg meiriháttar tónleikar. Á sviðinu voru Jón Ólafsson við flygilinn, Diddú í meiri háttar "mussu" ábyggilega til að undirstrika Spilverks tengingunni sem lofað var í dagskrá og Róbert Þórhallsson bassaleikari. Jón sagði strax að þeir sem byggjust við einhverri óperu skyldu bara fara strax. Við sátum sem fastast enda var von á góðu, þó aðeins öðruvísi en síðast þegar við sáum Diddú, þá í óperunni í hlutverki Næturdrottningarinnar. Þetta kvöld söng hún með "popp" röddinni í micrafón og var hreint yndisleg. Dynamíkin á sviðinu var skemmtileg og afslöppuð, eina að ég hefði viljað að Diddú hefði horft meira fram í sal þegar hún söng en ekki svona mikið til Jóns, ekki það að ég skilji hana ekki, það er unaðslegt að horfa á flotta stráka spila á píanó ;)
Ég vakna núna flesta morgna með eitthvað úr prógraminu syngjandi í hausnum.  Í morgun var það " Little things mean a lot", þau Jón spjölluðu á milli laga líkt og í sjónvarpsþáttunum og á undan því talaði hún um að hafa límt eyrað að útvarpinu til að hlusta á Guðrúnu Á. Símonar.
Svo tók hún nokkur af mínum uppáhöldum Vikivakan hans Valgeirs Guðjónssonar sem var svo gaman að syngja með Kirkjukórnum. Sveitina milli sanda, fullt af spilverkinu, og endaði á Stellu í orlofi.

 Svo á laugardaginn fórum við að sjá Fyrirheitna landið - Jerúsalem um eilífaðunglinginn Johnny Byron sem bjó í rútu úti í skógi, alltaf í partíinu. Ég hafði heyrt að verkið væri langt og jafnvel að fólk hefði farið út í seinna hléi en líka að Hilmir Snær sýndi snilldartakta sem reyndist alveg rétt. Við veltum fyrir okkur hvort hann hafi farið á bari borgarinnar til að horfa á þá sem eru fastir í partíinu og jafnvel hitt fyrir gamlan vin Gunnars sem Hilmir Snær í gerfi Johnny Byrons ber bara ótrúlegan keim af, útlit taktar og orðfar.

Annars var stykkið frábært, sviðsmyndin flott, og hringsviðið nýtt vel, leikararnir stóðu sig allir mjög vel. Mér finnst svona partýsenur oft svo fáránlegar í leikhúsi, og það að leika einhvern drukkinn og dópaðan ekki alltaf heppnast en ég keypti þau öll í þetta skiptið og framsetningin hafði einhvernveginn yfir sér óþægilegan raunveruleikablæ. Ég er samt ekki viss um að alvöru drykkjufólk myndi hella og sketta veigunum svona frjálslega út um allt, líklega rata þær frekar á réttan stað niður kokið á þeim. Ég hafði nú líka gaman af leikritinu sjálfu, sem er enskt og fullt af enskum tilvísunum, pöpp haldarinn kominn í einhvern "Beefeater"  skrúða fyrir afmæli drottningarinnar.

Svo skelltum við okkur í kef í gær og ætluðum á Jesus Christ Superstar messu en fullt var út úr dyrum og rúmlega það svo við ætlum bara að reyna aftur í Grindavík á þriðjudaginn.

Come again sweet love doth now invite

Datt í það að hlusta á þetta lagog spá í því, alltaf eitthvað sérstakt við enska tónlist frá þessum tíma en John Downland var uppi um aldamótin 1600 og þetta lag kom fyrst út 1597.

Come again sweet love doth now invite (John Dowland)

Tenór


Og fyrir fjórar raddir


http://www.jsayles.com/music/comeagain.mp3 undirleikur

nótur ofl http://artsongcentral.com/2007/dowland-come-again-sweet-love-doth-now-invite/

og fleiri útgáfur frá Choralia http://www3.cpdl.org/wiki/index.php/Come_again_sweet_love_doth_now_invite_%28John_Dowland%29

Rifsber- sulta og saft

Ég týndi af rifsberjarunnunum um síðustu helgi og sauð sultu.

Þetta urðu allt 5 kg sem komu af þessum 3 runnum og dugðu ekki til dollurnar sem ég hélt ég þyrfti !

Leitaði vel og lengi að uppskrift af rifsberja chilli sultu en gekk ekki.

skáldaði bara og þetta varð niðurstaðan:

2,5 kg rifsber með laufum og stilkum skoluð og svo soðin í 2 dl vatn í 20 mínútur og berin kramin vel

öllu skutlað í sigti og saftin mæld, úr þessum 2,5 kg kom 1200 gr saft,

sett í pott og bætt við 12 smátt söxuðum rauðum chilli belgjum ég sauð þetta eins og vitleysingur í 10 mínútur og allt freyddi sem varð svona ljót ljós skán í þessari annars ágætu sultu, myndi næst sjóða minna og oftar, eða allavega fleyta froðuna strax af.

Þessi tilraun mín gaf 7 krukkur, smakkast mjög vel en hljóp lítið sem ekkert. Ég gerði án fræja en eftir að lesa þessa uppskrift getur verið að ég seti fræ næst eða noti þessa sem er með engiferi og appelsínum líka hún er héðan.

úr hinum 2.5 kílóunum sauð ég venjulegt hlaup og studdist við þessa uppskrift, það hljóp flott og var sæmilega tært, nennti ekki að sía í gegnum grisju það er svo mikið sull. Urðu 9 krukkur.

Þetta er ekki holt með öllum þessum sykri en vonandi í lagi svona spari ;)


Ég nota sjaldnast rotvarnarefni eins og betamon og sé heldur ekki tilgagninn með að vera að troða einhverjum smjörpappír í krukkurnar, málið er að halda sultunni myglu og gerla lausri og mér hefur tekist það með því að velja krukkur sem lokast vel.  Þegar sultan er tilbúin og ennþá sjóðandi heit, set ég krukkurnar í stóran pott með sjóðandi vatni og læt þær hitna vel.  Set svo sultuna heita í krukkurnar, sýð lokin aðeins styttra því í þeim er oft einhver gúmmírönd sem ég held að þoli ekki suðuna og loka öllu meðan það er heitt, þá er það gró og gerlalaust heita loftið skreppur saman og dregur lokið vel fast á og allt geymist í áraraðir.

Svo tók ég allt hratið frá báðum uppskriftum aftur í pott, svona 1,5 lítra vatn og kannski 2 dl sykur og hleypti aðeins upp á því og sigtaði. Þannig fæst þessi fína saft sem bæði má drekka, setja á ís, nota í sósur og ábyggilega eitthvað fleira.

Spurningin  næst er hvort ekki sé hægt að búa til líkjör eða vín, veit samt ekki hvenær næst verður því runnarnir eru svo skrambi ljótir að ég held við neyðumst til að farga þeim og koma til nýjum.

Gunnar tók sig svo líka til og sauð úr 350 gr af jarðarberjum, í þau fóru minnir mig 160 gr sykur, látið bíða í 10 tíma í sykrinum svo soðið frekar stutt. Ein flott krukka þar.

Svona var niðurstaðan :)

Margt framundan

Ég ætla bara að halda áfram þar sem frá var horfið, held líka að ég þurfi að skrifa nokkur upprifjunarblogg, en af hverju, jú þetta blogg er dagbókin okkar, þegar ég segi við Gunnar hvernig var þetta nú? hvenær fórum við x og z þá getum við alltaf kíkt á bloggið.

Það er líka svo ótrúlega margt spennandi, skemmtilegt, taugatrekkjandi og ógnvænlegt að gerast þessa dagana, best ég búi til lista:  (og smá viðvörun, ég ætla ekki að hugsa um málfræði, setningalengd, framsetningu né skýrleika framar í þessu bloggi, þið, ef einhver les þetta einhverntíman verðið bara að þola það.

1. Ég er að klára RITGERÐINA þetta er nú búið að vera 4 ára process, vá hvað það er langt, og í kjölfarið er ég með vöðvabólgu, offitu, kvíða ekki viss um að ég mæli með þessu en....

2. Við vorum að kaupa okkur hús, það er geggjað hlakka svo mikið til að flytja niður á jörðina og dudda í garðinum og halda hundrað veislur og fá gesti, ef þú lest þetta verður þú að koma í heimsókn

3. Ég er að fara á námsskeið/verkefni/eitthvað um að nota samfélagsmiðla til lýðræðislegrar þátttöku. Kom bara til fyrir tilviljun en í þessu felst að fara á kick off fund til Strasbourg í september vinna og lesa og skrifa yfir veturinn í félagi við aðra gegnum netið og hitta þau svo aftur í vor, veit ekki hvar, í Evrópu.

4.  kannski ætti þetta að vera nr. 3 líka en fyrst ég var að fara til Frakklands ákvað Gunnar að skella sér líka og við verðum yfir helgi í París fyrst, ég er búin að dreyma um að fara þangað allt frá því ég las allar Barböru Cartland bækurnar hennar mömmu þar sem söguhetjan flýr til eða er send til Parísar en fellur fyrir fátækum listamanni sem reynist svo auðvitað vera hertogi eða jarl og allt fellur í ljúfa löð eftir baráttu við vondar stjúpur, stigamenn, þröngsýna pabba og illmennisvonbiðla. Ætlum að mæla göturnar og soga í okkur andrúmsloftið.

5. Ég ætla að sækja um starf, þegar það verður auglýst, er eiginlega akkúrat það sem mig langar að gera, verkefnastjórn, kennsla og rannsóknir, vona að það gangi vel

6. Vonandi fæ ég meiri tíma á næstunni til að sinna uppáhaldsverkefninu mínu Náttúrutorg. Í fyrr vann ég með kennurum á Suðurnesjum og ætla að halda því áfram og bæta nú höfuðborgarsvæðinu við.

7. Svo líklega í október fer ég til Leeds að verja ritgerðina, úbbssss magapína

8. og síðast en sko alls ekki síst þá er ferðinni heitið til USA í desember með Bergþóru Sól, Gunnari Halldóri, Möggu og Óðni. Þá heimsækum við Washington og Florida. Meira um það síðar.

9. já og svo birtist von bráðar grein sem heitir "The effectiveness of integrating existing digital learning resources into classroom teaching – an evaluation of the learning achievement"  efttir S. Pétursdóttir, sko pabbi nafnið þitt verður áberandi en ekki mitt....

Langar að blogga

Undanfarnar vikur er ég búin að vera að skrifa, leiðrétta, laga, reyna að vera nákvæm, hafa allt rétt og fellt og  slétt, en langar bara að skrifa óþolandi langar setningar um eitthvað sem er skemmtilegt, eins og bleika hluti, kannski eins og þennan
Cute Graphics og æfa mig í htm og rifja upp wordpress og vona að svavap verði einhverntíman eitthvað meira en villuskilaboð og hugmynd í hausnum á mér

Keðjuferðalagið 2011

Það verður að viðukennast að þessi póstur er skrifaður  sex árum seinna en til að halda þessu til hafa þá er hér skráð mikið keðjuferðalag frá júni 2011.  Fékk aðstoð af myndum og Facebook við að rifja upp.

23. maí átti að fara til Leeds í morgun, og á morgun allt frestað....... was supposed to go to Leeds this morning and tomorrow morning but both flights have been cancelled.........
25. maí
-fór til Leeds að vinna að doktorsverkefninu, hitta leiðbeinendur og kannski var ráðstefna?
2. júní of gott veður fyrir skrifborð, en verð að láta mig hafa það
weather is too good for sitting at the desk, but I got to trudge on!
- Hulda systir kom og var með mér yfir helgi.
- flýg til Linköping og Fer á NFSUN ráðstefnuna http://nfsun.org/
14. júní búin að flytja kynninguna mína gekk flott, var fljót en fékk fyrir vikið fullt af flottum spurningum
- prófa þar Courchsurfing í fyrsta skipti og gisti hjá henni Hengameh
- fer þaðan til Kaupmannahafnar með flugi -
- Hitti þar Gunnar og Bergþóru Sól, gistum á heimagistingu, kannski airbnb eða einhverju svipuðu
18. júní flottur dagur að baki, einn turn, ein verslun, bæjarrölt, hafnarstrætó, glæsilegar nýjar byggingar, óperan og bókasafnið, Kristjanía, Tívolí, karoke söngur !!
- skoðum hallir, söfn og dýragarð, förum í Tívolí og ég syng í Karaóke
19. júní Í dag var það Jónshús, Amaliaborg, ZOO, Ráðhústorgið, Strikið og endað á Hereford steikhús. Góður dagur en þreytt fólk sem gengur til náða.
22. júní

Forside - Bov Kro bovkro.dk

Dvel þessa dagana hér í besta yfirlæti hjá bróður og mágkonu :)

- tökum lest til Bov Kro og eigum góðar stundir með kráfólki Bjarti bróður og Röggu
- Gunnar hreinsar mosa af þaki
- Iðunn hafði verið þar og skilið eftir húsbílinn hans pabba
- við keyrum út á Als og til Sönderborgar
-Frøslevlejrens Museum froeslevlejrensmuseum.dk fórum hingað í dag, alveg stórmerkilegt safn, en molluhiti í dag.
- minnistætt Sanktihansaften með báli á ströndinni
- förum tvo túra niður til Þýskalands annar með Soffíu með okkur og gistum á fínum tjaldstæðum með risa húsbílum
-25. júní

danfossuniverse.uk - danfossuniverse.uk uk.danfossuniverse.com

Þá er búið að fara prufutúr á húsbílnum. Fórum og keyptum gas í Þýskalandi og settum vatn á bílinn og allt hefur virkaði fínt. Á campingsvæðinu notuðum við rafmagn og þá virkaði kælirinn fínt. Við fórum til Als, m.a. að heimsækja frábært safn http://uk.danfossuniverse.com/. Förum til Þýskalands í dag m.a. í risastóran skemmtigarð; http://www.heide-park.de/en/. Soffía ætlar að koma með okkur í nokkra daga til Germany.

- 28. júní Sól, 30C, Evrópa, húsbíll, frí; Góð samsetning ;) 
- förum í skemmtigarð í seini ferðinni og verslum aðeins í Hamborg
- Þau skilja mig eftir i Hamborg því ég átti flug þaðan heim
- Þau keyra húsbílinn til Aarhus og setja hann í skip, taka lestina til Kaupmannahafnar og fara heim þaðan
30. júní

Hér eru myndir sem ég tók á símann en við tókum mikið meira á stóru vélina.

Tosca í Keflavík

Eitt af því skemmtilegasta sem ég hef gert, syngja í óperu í Keflavíkurkirkju.

Vesturferð 2010

Ferð með Möggu og Óðni í Gullbílnum og Ferlíkinu, myndir úr ferðinni eru HÉR

Sunnudagurinn 4. júlí

Upphaflega hafði verið planið að fara nyrst á Vestifirðina en það spáði vitleysu veðri svo við höguðum seglum eftir því. Keyrðum á Grundarfjörð með verslunarstoppi í Bónus í Borgarfirði. Héldum að við værum á aðal tjaldstæðinu en seinna kom í ljós að við vorum sko á einhverju útkjálka stæði, samt svo sveitalegt og fínt, fegnum aðstöðu í sumarbústað til að vaska upp og Gunnar átti langar samræður við bóndann. Vorum ein fyrir utan einn húsbíl aðra nóttina. Veðrið var stillt og rigndi á köflum.

Mánudagur 5.

Keyrum á Stykkishólm og gengum þar um þennan huggulega bæ áður en við fórum í Ævintýrasiglingu. Skoðuðum eyjarnar og stuðlabergið sem liggur ýmist láðrétt eða lóðrétt. Fugla, mikið af lunda sem óðinn var hrifinn af hvernig náðu sér á flug með því að hlaupa á vatninu, toppskarfa, ritu, múkka í björgum og svo tignarlegan haförn. Svo var settur út plógur og allir fengu að smakka hörpudisk, krabbahrogn, ígulkerahrogn og skola niður með hvítvíni. Fólk var nú misduglegt við það, Gunnar var stórtækur en samt ekkert eins og japanarnir sem stóðu við og borðuðu eins og þeir gátu. Mælum sko alveg með svona siglingu.

Eftir siglinguna fórum við í Vatnssafnið skemmtilegt og skrýtið, Magga sagði að hún væri ekki alveg að ná conceptinu en það er eitthvað sjarmerandi við það, svo ekki sé talað um útsýnið þarna af hæðinni og svo tókum við fullt af skemmtilegum myndum. Svo klifruðum við upp á hólinn við höfnina og Magga og Bergþóra klifruðu upp þverhnípt bergið.

Á þessum tímapunkti var þetta orðið tímalaust ferðalag með frjálsri aðferð svo við skelltum okkur í Bjarnarhöfn þar er hákarlasafn og mjög skemmtilegur gestgjafi hann Hildibrandur sem segir sögur og frá safninu. Að sjálfsögðu var hákarl í boði og allir smökkuðu en Bergþóra ekki fyrr en eftir miklar fortölur. Hún var heldur ekki glöð þegar hún var að heilsa upp á hesta og fékk stuð af girðingunni meðan pabbi hennar dáðist að hjallinum með öllum hákarlinum.

Þriðjudagur 6. júlí

Þennan dag rættist langþráður draumur Möggu þegar hún og Óðinn gengu á Kirkjufell við Grundarfjörð. Það er sko ekki fyrir lofthrædda, á tímabili þarf að hífa sig upp með köðlum og Magga kvartaði um harðsperrur í handleggjunum í einhverja daga. En annars fóru þau bara létt með þetta og voru snögg að. Svo var ekið á Tálknafjörð, einn aftari tjakkurinn hafði reyndar brotnað við að fara út af tjaldstæðinu og ég var alltaf á nálum að brjóta eitthvað í fellihýsinu.

Það er ævintýralegt landslagið á Vestfjörðum og ég ekkert alltaf kát þegar brekkurnar er brattar og hanga utan í fjalli eða bjargi, en lifði þetta allt af. Svo vorum við öll geðvond og svöng að dröslast langan kafla áður en komið er að flókalund þar sem standa fyrir vegaframkvæmdir og einungis var hægt að keyra á 15 km/klst hraða í ábyggilega 20 km.

Miðvikudagur 7. júlí

Á Tálknafirði er tjaldstæðið við sundlaugina og frábær aðstaða í allastaði. Aðgangur að glottu eldhúsi, fótboltavöllur, minigolf og gargandi kríur. Reyndar stóð í bæklingnum að Tálknafjörður væri í skjóli fyrir norðanáttinni en á miðvikudagsmorgninum var rokið samt svo hressilegt að ein hviðan braut stöngina sem heldur uppi öðru svefntjaldinu og gat kom á tjaldið. Ég skellti mér í sund og á meðan komust magga og Gunnar að því að á verkstæðinu Allt í járni væri hægt að laga þetta tvennt sem hafði brotnað og skunduðu með fellihýsið í viðgerð. Fyrst við vorum orðin heimilislaus fórum við á Patreksfjörð og fengum þar fínan mat hjá Matmanninum rúntuðum aðeins um. Svo sóttum við fellihýsið og tókum svo skyndiákvörðun að skella okkru út á Látrabjarg. Leiðin þangað var skrautleg á köflum, hangandi utan í björgum en ægifagurt landslag. Úti á bjarginu var hávaða rok, svo varla var stætt, lundagreyin og langvíurnar hangandi utan í bjarginu en líklega öllu vanar. Tókum glás af myndum þar sem vindurin skófa nánast af okkur andlitið, ég fílaði það alveg í tætlur.

Fimmtudagur 8. Júlí

Nú var loks komi að því að vera smá í fríi, sváfum lengi, fórum í laugina enda skein sólin. Grilluðum loks svinalundir sem höfðu beðið síðan á sunnudag, einhvern veginn hafði það alltaf verið þannig að við vorum of seint á ferðinni til að nenna að standa í alvöru eldamennsku. Það kom nú ekki að sök því við vorum yfirleitt vel haldin af lummu bakstri Möggu og alltaf með nóg af samlokum og kleinum í nesti. Svo var núna tími til að spila víkingaspilið, taka eitt fimm upp og fara í göngutúr um skógræktina fyrir ofan tjaldstæðið. Magga skellti sér líka í heimsókn á Bíldudal til vina sinna Fríðu og Gumma sem þar búa.

Föstudagur 9. júlí

Þennan dag gerðum við víðreist, byrjuðum á að fara inní Selárdal og skoða húsin og stytturnar hans Samúels Jónssonar, og húsið hans Gísla á Uppsölum merkilegir karlar í þeirri sveit. Svo urðum við Bergþóra aðeins að fá að vaða í sjónum við þessar freistandi sandfjörur sem allstaðar eru, smá kalt en fjör. Á Bíldudal skiptum við liði og Gunnar heimsótti safn Jóns Kr. Ólafssonar Melódíu Minninganna en við hin fórum á Skrímslasafnið og fræddumst um sæskrímsli í rökkvuðum notalegheitum. Nú var nestið okkar loks að minnka svo við fórum í Pokahornið á Tálknafirði og versluðum nýjan eldissilung, kartröflur, tómata og gúrkur. Sannkölluð veislumáltíð. Um kvöldið klifu Magga og Bergþóra með annari lítilli af tjaldsvæðinu Bæjarfjallið fyrir ofan Tálknafjörð og við hin fylgdumst með í kíki.

Laugardagur 10. júlí

Nú var veðrið orðið of gott til að vil vildum nokkuð halda heim á leið svo við tókum bara fullan dag á þetta og tókum svo upp um kvöldið og keyrðum á Reykhóla. En áður en það var fóru Magga, Óðinn og Bergþóra á hestbak í Örlygshöfn frá Bænum Neðri Tungu. Bergþóra var alsæl enda með hestadellu, Magga sagði líka að það væri fátt yndislegra en að ríða á hvítum sandi í góðu veðri. Verst að þá var ekki myndavél með í för. Næst var ekið niður á Rauðasand önnur skemmtileg brekka! Og smá harðsperrur í lærin. En alveg þess virði og aðeins skroppið í sjóinn aftur en nú með slatta af lambaspörðum. Kaffihúsið þar er huggulegt en við vorum svo seint á ferða að allar súkkulaðikökurnar voru búnar L Við komum ekki á Reykhóla fyrr en um 2 um morgunin eins og tjaldstæðið á Tálknafirði er tjaldstæðið við Grettislaug er í útilegukortinu en það er pínulítið og var pakkfullt svo við settum fellihýsið bara niður á plani við sundlaugina og Magga hafði orð á því að við gætum bara ekki verið nær fyrir sundfjölskylduna.

Sunnudagur 11. júlí

Skelltum okkur í laugina leið og við vöknuðum í glampandi sól og blíðu og vorum þar lengi. Síðan síðast lummubakstur ferðarinnar og pakkað niður. Á leiðinni stoppuðum við á Rjómafbúinu á Erpstöðum, kíktum í fjósið og fengum okkur sveitaís sem þau kalla kjaftæði og fetaost og skyr beint frá bónda. Þegar heim var komi var bílinn okkar á felgunni og Magga þurfti að bruna í Víðidal að sækja Flekk greyið sem hafði skorið upp á sér beldinn og þurfti aðhlynningu.

Þetta var frábær ferð með miklum akstri, flottu landi og frjálsri tímalausri aðferð, enda þýðir ekkert annað að haga seglum eftir vindi í útilegu á Íslandi.

Flutt til Íslands

Það er gott að eiga góða að og sérlega þegar flutt er á milli landa. Meðan við biðum eftir að fá íbúð afhenta á Vallarheiði fengum við að búa fyrst hjá pabba og svo hjá Iðunni og Stebba meðan þau voru á Ólafsfirði og í sumarbústaðnum, mikill lúxus og yndislegt heimili að dvelja á. Myndir úr júlí .

Við áttum fyrst að fá íbúð á Grænásbraut 1216 4 herbergja en vildum endilega á 5 herbergja til að hafa auka herbergi fyrir Bergþóru Sól. Ég var ekkert smá kát þegar Keilir hringdi og ég fékk að skoða 5 herbergja íbúð og hún er HUGE, fullt af skápum, öll tæki, tvö baðherbergi og bara dásamlegt þótt í rokrassgati sé. Jón og Pétur fluttu líka inn um leið og voru alsælir, Jón að vinna á bílaleigu og Pétur í Dominos.

Gunnar datt líka aldeilis í lukkupottin, Bjössi vinur hans bauð honum að koma mér sér 2-3 túra á trillu en þegar Gunnar mætti var Bjössi búinn að ráða sig á stærri bát og Gunnar mátti bara taka við svo þarna fékk hann vinnu upp í hendurnar. Hann gerðist trillusjómaður fór snemma á morgnana og kom seint á kvöldinn, þreyttur og sólbrúnn með fulla poka af fiski. Í einum af fyrstu túrunum kom hann vélarvana bát til bjargar og Víkurfréttir sögðu frá þó þar væri sleppt hans þætti!

Löndun

Ég var þess vegna mikið í húsmóðurgírnum, vaknaði með Gunnari og Jóni til skiptis og smurði handa þeim nesti, og flakaði svo, frysti og gerði fiskibollur fram á rauðar nætur. Naut líka lífsins að hreiðra um mig í stóru íbúðinni. Versta var að ég eiginlega gleymdi að ég var í námi og sinnti því of lítið en þurfti líka kannski bara smá frí.

Við festum kaup á Mitsubishi Outlander hjá Reyni pabba Gabríels Veigars og fengum þá feðga í heimsókn.

Meiri myndir hér frá ágúst og svo skruppum við á Gay Pride

Flutt frá Englandi

Síðustu dagarnir í Leeds voru svolítið nostalgískir við fórum mikið í bæinn og oftar á pöbbinn og drukkum í okkur þessa síðustu dropa þeirrar lífsreynslu af því að búa í Englandi. versluðum eitt og annað til að taka með heim eins og fimm ára birgðir af kanil og paprikudufti ;)

Svo leigðum við trukk eina ferðina enn pökkuðum saman og þrifum á Aston View og brunuðum

með dótið til Immingham, 21. júní. Svo eyddum við nokkrum góðum dögum með Huldu áður en flogið var heim 26. júní. Það var alveg ómetanlegt að hafa Huldu og Les þarna á næstu grösum geta skroppið til þeirra yfir helgi og fá ráð um allt mögulegt sem fávísir Íslendingar vissu ekki. (á myndinni komst Hulda í hárið á mér og klippti hressilega !)

Fólk spyr mig oft hvort ég vildi búa þar áfram og svarið er ekki einfalt. England er dásamlegt að mörgu leiti, veðrið, verðið, sveitirnar, fjölbreytileikinn í mannlífinu. Magga systir segir líka að ég sé borgarrotta og eigi að búa þar sem ég geti labbað í óperuna og á tónleika og líklega er smá sannleikskorn í því. Ég elskaði að labba eftir daginn í háskólanum niður í gegnum miðbæinn, koma við í Borders og glugga í nokkrar bækur og fá mér kaffi á leiðinni í tónlistarskólann. En á móti kemur að ég elska líka að ganga um Keflavík og þekkja hverja einustu þúfu, og sérlega alla víðáttuna á Íslandi. En það sem gerir líklega útslagið er fólkið, að geta hoppað upp í bíl og verið komin inn í eldhús hjá systrum mínum innan fimm mínútna og að vera í daglegum samskiptum við fjölskyldu og vini.

Svo má ekki gleyma að í Englandi var lífið með afskaplega einföldum brag, ég í námi og Gunnar heimavinnandi, ekkert vinnustress og mikil notalegheit og tími til að njóta lífsins, hver veit hvaða mynd hefði verið ef við hefðum bæði verið í botnlausri vinnu ?

Það mætti skrifa langan pistil annars með samanburðinum á lífinu í Leeds og á Íslandi og það skín líklega í gegn um fyrri pósta kannski kem ég til með að bæta við þennan lista en þetta við ég nefna nú:

• húsin og húshiti, í Englandi eru húsin köld og rök en á Íslandi heit og hlý
• bankakerfið í Englandi er þungt og leiðinlegt
• England er STÓRT Ísland er lítið og þá meina ég fólksfjöldi, vegakerfi, framboð á vöru og þjónustu ofl.....

Risið úr bloggbindindi

sæl og blessuð kæru lesendur og takk fyrir síðast, en það er fyrir heillöngu eða nákvæmlega hálft ár. Það var engin meðvituð ákvörðun að hætta að blogga það bara gerðist einhvernveginn eftir að við fluttum heim. Nú er það aftur á móti meðvituð ákvörðun að byrja aftur. Hér er því smá blogg um blogg. Þegar við bjuggum úti notuðum við bloggið til að flytja vinum og vandamönnum fréttir af lífi okkar í Leeds svo veit ég ekki hvað en líklega þykir okkur líf okkar ekki eins merkilegt hér heima eins og það er nú mikil þvæla. Líklega hefur líka Facebook spilað hlutverk því þar uppfæri ég stöðu og fylgist með öðrum, en gallinn við það er að upplýsingarnar verða illaðgengilegar á stuttum tíma. Undanfarið höfum við Gunnar ætlað að rifja upp eitt og annað, ekki bara frá Leeds heldur frá fyrri árum og þá förum við í bloggið til að hressa upp á minnið svo við sjáum að bloggið er fínasta heimild. Svo nú skal risið úr bloggbindindi og skráð helstu viðburðir og pælingar, þó svo að líf okkar allt verði eins og opin bók fyrir hvern sem nennir að lesa þá verður bara að hafa það enda ekkert að fela og ef svo væri þá væri það hvort sem er ekki fest á blað. Vil ég bara biðja lesendur að kvitta kannski fyrir sig og skilja eftir smá comment.

kv. Svava

Ferðalag til Suður Englands - góð leiktjöld fyrir líf

Trip to South of England

11. - 15 júní fórum við með Bergþóru Sól, Möggu og Óðni í ferðalag, keyrðum í einum rykk suður fyrir utan smá stopp í Birmingham fyrir smá útréttingar, við höfum nú komist allra okkar leiðar með hjálp Google Earth og kortbókum, en þegar einn vegurinn klofnaði óvart í tvennt og við villtumst af leið var gott að geta gripið í Blackberryinn hjá Möggu til að komast á réttan stað.

Við gistum allan tímann í þessum húsum, leit ótrúlega vel út á vefsíðunni en við gerðum okkur ekkert og miklar væntingar vitandi að standardinn er oft ólíkur hjá Tjallanum. En þetta fór alveg fram úr okkar björtustu vonum og verst að geta bara ekki verið lengi. Frábær sundlaug, eldhústækin ný og flott, rúminn frábær, allt til til alls og allt hreinnt og flott.

Fyrsta deginum eyddum við í Bath, Gunnar hafði fengið Svan Þorkellsson sem býr þar til að leiðsegja okkur, það var aldeilis frábært. Við þræddum borgina sem angar af sögu og er mjög aðlaðandi öll byggð úr bleikleitum steini og ekki "red brick in sight" eða eins Svanur sagði "góð leiktjöld fyrir líf", sem síðan varð uppáhaldssetning Möggu.

Næsti dagur var Stonehenge, svona "must do", aftur vorum við ekki með of miklar væntingar búið að segja okkur að mikð væri af uppgreftri og maður kæmist ekkert nálægt steinunum en maður gengur hring í kringum þá í mátulegri fjarlægð með "audio guide" svo það eru ekki allir að tala í gsm eins og halda mætti á myndunum heldur að hlusta á leiðsögn. Ekki spillti fyrir að veðrið var dásamlegt. Ég var alveg heilluð af staðnum og sögunni. Svo svona af því að heimurinn er svo lítill þá hitti ég hana Ólöfu þarna, með sínum manni og systur og mági sem eru í námi þarna suðurfrá.

Þaðan skelltum við okkur til Glastonbury, sem er frægust fyrir stóra tónlistarhátíð, byrjaði með hippum og borgin ber öll merki þess, búðirnar eru fullar af galdradóti, aromatherapy, colortherapy, healing stones, spiritual healers og svo framvegis. Við röltum um og fórum á organic kaffihús að sjálfsögðu, fengum organic beer og organic cola, ef það fengist á Íslandi þá fengi Óðinn að drekka kók í hvert mál !!! Innsta borðið var með skiltinu, "this table is reserved four our spiritual healer".

Síðasta deginum var eytt í Longleat, stóru gömlu herrasetri, þar sem hægt væri að eyða mörgum dögum, við keyrðum í gegnum "drive thru" dýragarðinn, sérstök og skemmtileg upplifun, þó við værum að kafna hjá ljónunum og úlfunum því þar mátti ekki opna gluggna og þau voru nú ekki beint fjörug í hitanum. Svo skoðuðum við húsið, svaka flott og gaman að sjá svona langa samfellda sögu. Óðinn og Magga hlupu í gegnum eitt völundarhús og fengu smá Harry Potter fíling meðan við hin sigldum um og hittum sæljón og górilluna.

Svo höfðum við ákveðið að "live dangerously" og finna okkur gistingu á leiðinn til Manchester, það gekk smá brösulega villtumst fyrst yfir toll brú og vorum komin til Wales! svo nokkrar villingar í og kringum Gloucester, sendum Möggu til að spyrja um herbergi á hóteli sem var líklega fyrir "glaðar konur" og hlógum ógurlega, hún náði reynar ekki sambandi við þann sem varð fyrir svörum , of lyfjaður! Enduðum seint og síðar meir á Premier Inn, ekki svona huggulegt B&B eins og okkur hafði dreymt um en allavega hafði ég ekki úthald í að leita meir.

Síðasta daginn var brunað til Manchester í Trafford Center sem er íburðamesta verslunarmiðstöð sem ég hef séð, ekki svo stór en öll í skreytingum, veggmyndum gyllingum, og svæði með veitingastöðum og sýningaraðstöðu sem er eins og dekk á lúxus skemmtiferðaskipi. Við versluðum slatta og skutluðum svo Möggu og Óðni á flugvöllinn áður en við brunuðum til Leeds til að fara að pakka og huga að alvöru lífsins.

Overall, var þetta frábær ferð en alltof stutt, vorum heppin með veður og gátum haft það hugglegt með nesti í grasi og keyptum dýrar en ógleymanlegar nautasteikur í Bath sem Magga steikti með meistarabrag. Takk fyrir samveruna Magga og Óðinn.

Erum komnar til Leeds, Svava Tanja, ég og Bergþóra ég fór í vinnu í morgun, en þau að skemmta sér í Flamingoland eins og sjá má hér enda um að gera að nýta þetta dásamlega veður sem var í dag

Flamingoland

EVERTON FC og Rhydian

Nokkrar línur frá grasekklinum hérna í Leeds.

Ég skrapp með Tony til Liverpool til að horfa á Everton keppa við West Ham á Goodison Park. Þeir eru nú að verða nokkrir vellirnir sem ég er búinn að koma á hér í UK. Þetta var mjög skemmtileg ferð með honum og family, sem eru mikið stuðningfólk Everton. Eru með ársmiða og allt það, og ég fékk sæti þar sem aðalstuðningmennirnir voru. Allir voru í mikkklu stuði enda unnu þeir 3-1.

Ég fór einnig síðasta laugardag til Sheffield til að horfa á Rhydian í City Hall, það var nú svolítið fyndið að fara á tónleikana einn og með 3 miða, miðarnir keyptir fyrir löngu síðan vegna þess að Svövu langaði mikið að sjá hann og bauð Huldu með. Svava þurfti síðan að fara til Ísland og Hulda gugnaði á að fara þannig að ég stóð fyrir utan City Hall í Sheffield og var að reyna að gefa fólki miða á tónleika sem voru uppseldir. Ég hætti því fljótlega því að stelpurnar og einnig strákarnir sem ég reyndi að gefa miða horfðu á mig með þannig augnaráði og vissu ekki hvað þessi karl, ég, hefði eiginlega í hyggju. Sá svo hóp af kellum sem voru auðsjáanlega "groupies" en komnar af léttasta skeiðinu og bauð þeim að fá miðana. Það var nú líka svolítið fyndið að ég var með sæti á besta stað með fullt af miðaldra kerlingum í kringum mig sem héldu ekki vatni yfir Rhydian og ein sem sat við hliðina á mér var að fara á 6 tónleikana hjá honum í röð, bara elti hann um allt. Ætli hún hafi ekki verið svona um sextug og sagðist búa rétt hjá Manchester. Aðdáendahópurinn, eingöngu konur, kölluðu sig Rat pack. Þetta voru svosem alltílagi tónleikar en hann kemst nú ekki í hálkvist á við hana Tinu mína.

Hérna sjáið þið hann í öllu sínu veldi: http://www.youtube.com/watch?v=YC61Bp_dq8U&feature=channel

Svo er ég nú bara að læra fyrir þessi próf mín, fer í göngutúra, bíltúra og kaffihús. Fyndið hvað sumt breytist hjá manni þegar maður er svona einn, t.d. þá hef ég ekki kveikt á sjónvarpinu meðan Svava hefur verið á Íslandi. jæja þetta er nóg í bili.

Annars hlakka ég mikið að fá þær tvær Svövu og Bergþóru Sól á mánudaginn.

GHG

Jæja, ætla að henda inn nokkrum línum um hvað ég er að bauka núna á Íslandi. Tilgangur ferðarinnar er að safna gögnum fyrir rannsóknina, ætla að taka 8 viðtöl við kennara, 2 rýnihópa kennara og 2 rýnihópa nemenda, allt þetta er um hvernig kennarar nota upplýsinga og samskiptatækni í sinni kennslu. Svo það eru búnir að vera grilljón tölvupóstar og símtöl að láta það allt ganga upp.

Svo þess á milli hef ég haft það skemmtilegt, horft á 6 bíómyndir með Iðunni í 2 lotum !!! Borðað sushi og spilað með systrum mínum og hitt vinkonur mínar úr kennó, en belive it or not þá eru 20 ár síðan ég útskrifaðist þaðan.

Svo reyni ég að fóðra strákana þegar ég næ í þá, Jón kemur reglulega á garðana en Pétur vann og vann síðustu viku enda megavika á Dominos, býst við að sjá hann meira í þessari viku.

Hitti í mark

Ég er komin til Íslands eina ferðina enn, nú til að taka viðtöl við kennara.

Kippti með mér skóm fyrir drengina og það hitti í mark eins og myndin sýnir!

Vörn á rannsóknaráætlun og góðir gestir

svona leið mér í dag, þegar ég var búin að hitta andmælendur mína (veit ekki hvaða orð á að nota, hér en það eru tveir prófessorar sem eru kallaðir examiners) og þeir búnir að gefa mér græna ljósið að halda áfram með verkefnið mitt.

Annars eru hjá okkur góðir gestir, Halla Kolbeins vinkona okkar sem er að ganga frá sölunni á húsinu sínu hér í UK og ýmislegt annað (t.d. að ná í duftker með eiginmanninum heitnum), frænka hennar kom með henni til halds og trausts. Annars er Gunnar búinn að vera að sinna þeim í nokkra daga og keyra þær út um allt. Þau fór t.d til York í dag.

Við fórum öll saman út að borða í kvöld til að halda upp á þetta allt saman áðan.

Svo er það Ísland á morgun og viðtöl og rýnihópar næstu tvær vikunnar. !! endalaust stuð !!

Gunnar Halldór og Svava

Star Trek,
við erum nú ekki dugleg að fara í bíó en þegar nú Star Trek er í boði læt ég mig ekki vanta og tókst að draga Gunnar með mér. Ég var alveg voðalega hrifin ánægð með að hitta gamla vini sem margir vorum miklu myndarlegri en áður. Mikil spenna og gott fyrirsjánlegt Star Trek plot. Gunnar hló nú að mér þegar ég varð skíthrædd í slagsmálum við snjóskrimsli.

Vorum með gesti í dag Jane sem var með mér í náminu og Tony kærastinn hennar, Everton maður sem ætlar með Gunnar á leik um næstu helgi. Kokkuðum íslenskt lambalæri og maregnstertu, þau voru ánægð og gaman að hafa kompaní, eins og Gerður segir þá erum við að verða svolítið heimaskrítin að ræða bara mestmegnis hvort við annað!

Tina Turner

Tónleikarnir 5 maí með Tinu Turner voru hreint frábærir. Ótrúlegt að hún verði 70 ára á þessu ári. Þetta voru lokatónleikar hennar í tónleikaröðinni: Tina!: 50th Anniversary Tour og voru því að mörgu leiti svolítið spes. Þessir tónleikar voru besta Show - tónleikar sem ég hef séð og Tina kann svo sannarlega að skemmta fólki. Hreint út sagt frábærlega útfært show.

Þetta hefur hún sjálf að segja um tónleikana:
“It’s a sort of flashback tour,” she has explained. “I wanted to give people everything they love about Tina Turner, which is why I went back to the short skirts, the wild dance routines, the wigs, the big numbers – and, of course, the legs. It’s just my final great big celebration.”

Hérna er ágætt sýnishorn af tónleikunum:

Gunnar Halldór

Saltaire

Við héldum áfam að túristast í gær. Fórum til Saltaire sem er á heimsminjaskrá UNESCO. Heilt þorp og verksmiðjur sem var byggt í kringum 1850 sem ein heild og má lesa um hér. Merkilega saga og frábært að eyða deginum þar.

Yorkshire Sculpture Park


Við skötuhjúin ákváðum að túristast svolítið þessa helgi og skoða nágrennið, nokkra staði sem eru búnir að vera á listanum. (og ég að gefa lestrinum frí í tvo daga)

Fórum í gær í Yorkshire sculpture park, hann er bara í hálftíma fjarlægð, Gunnar notaði tækifærið til að æfa sig á takkana sína 27 og tók 600 myndir og ég nokkrar af honum að taka myndir ! Dásamlegt veður, flottar höggmyndir (tókum reyndar fáar myndir af þeim).

Við settumst við niður með picknickið okkar, það má bara vera með svoleiðis á nokkrum stöðum og sá sem var næstur bílastæðinu var með kindum og lömbum, kindur á Íslandi eru styggar svo ég hélt þetta væri nú í lagi þegar búið var að sparka burt nógu mörgum spörðum til að geta komið teppinu fyrir, en ein rann á lyktina og sá mig ekki í friði! kom aftur og aftur og reyndi að éta veskið mitt! En fyrir utan það var þetta frábær dagur.
Keyrðum svo sightseeing krókaleið til baka með einum köldum á crummy pub.

Fleirr myndir hér http://www.facebook.com/album.php?aid=74271&id=696749115&l=f96e29df83

Einn áfangi að baki.

Ég skilaði inn skrifunum fyrir vörn á rannsóknaráætlun í dag, rúmlega 90 bls með öllum leyfilegum og svindluðum viðaukum. Gott þegar svona er að baki, en samt bara hálfnað, nú liggja prófdómarar yfir þessu næsta hálfa mánuðinn og svo má ég svara fyrir mig og fæ það annaðhvort " fínt hjá þér haltu áfram", "ok, þetta er ágætt en komdu aftur eftir mánuð og vertu þá búin að bæta x og z" eða í versta falli, "þetta á greinilega ekkert við þig og farðu bara heim aftur".

Er samt bara bjartsýn, en verð að lesa og lesa til að vera með á nótunum og eiga svör við öllu!

Myndir hér http://www.facebook.com/album.php?aid=74079&id=696749115&l=ec885681aa

Tíminn er svoooo fljótur að líða....

Jæja, ég hef nú ekki bloggað lengi lengi, kannski ekki skrýtið þar sem ég er alltaf að skrifa eitthvað annað. en nú skal eitthvað fest á blað.

Hulda og Les voru hjá okkur um helgina, Gunnar eldaði alveg svakalega gott sjávarrétta lasagna, uppskrift hér, héldum svo heilmikið blip.fm og youtube party svaka fjör. Svo fórum við í bæinn á laugardeginum og versluðum og gerðum úttektir á veitingastöðum fyrir kvöldið. Svo tókum við taxa heim og haldiði ekki að ég hafi gleymt veskinu með ÖLLU í: seðlaveski með kreditkorti, nemendakorti, ökuskírteini, sími, myndavél, vegabréf sem ekki hafði verið gengið frá eftir Íslandferðina og ... húslyklar svo við stóðum bara á götunni eins og kálfar !!!!
Við hringdum í stöðina og þeim gekk eitthvað illa að hafa upp á honum, en svo þegar ég ropaði upp úr mér að síminn minn væri í veskinu gátum við hringt í hann og til allrar hamingju svaraði leigubílstjórinn og kom með veskið.

Nú og svo fórum við á Spice Quarter að borða sem er alveg geggjað hlaðborð, og á kvöldin elda þeir líka fyrir mann meðan maður bíður, núðlur, pasta, pizzu og svo er frábært úrval af indversku, kínversku, tælensku svo ekki sé talað um kökur, creme brulle, mousse, súkkulaðibrunn og ísvél, held ég sé ennþá södd. Enda fórum við heim með það í huga að horfa á kosningasjónvarp og "Britain has got talent" en ég bara sofnaði, strax.

Við skötuhjúin erum annars bara sátt við úrslit kosninga, en held þetta verði ansi töff tímabil og ekki öfundsverðir þeir sem verða við stjórn.

Vona að Hulda og Les hafi átt góða helgi hjá okkur, Fudge greyið lést á fimmtudaginn og bara skiljnlegt að þau hafi viljað komast út húsi enda hún búin að vera prinsessan á heimilinu í áraraðir. Vonandi töltir hún nú um í hundahimnaríki og borðar bolognese og skinku.

Annars, nú tel ég í dögum fram að vörn á rannsóknaráætlun, búin að skrifa er að ganga frá síðustu leiðréttingum, vona að þetta gangi nú allt upp. Þau sögðu alla vega í morgun, "this is coming along nicely". Einn af prófdómurunum hefur unnið smá með mér við erum aldrei sammála og hann kallar mig "Liberal Scandinavian" en hann er réttsýnn og bráðskarpur svo ætti engu að kvíða. Hinn er í ICT geiranum komin á eftirlaun og þau segja að hann eigi eftir að lesa hvert orð með athygli svo ég vanda mig eins og ég get.

Flott veðurspá næstu daga;)

LeedsFive-day forecast
Conditions Max Temperature
Monday; sunny Max: 17°C 63°F
Tuesday; sunny Max: 17°C 63°F
Wednesday; sunny Max: 18°C 64°F

Svava og Gunnar Halldór

NÚ ER SUMAR, SUMAR OG SÓL Í LEEDS

Fórum út í sólina í dag, gengum í garðinum Temple Newsam og nutum þess að vera í sól, heiðskýru, logni og 20 gráðu hita. Það er alveg magnað hvað það er bara komið sumar svona allt í einu, fólk að flatmaga í sólinni og bara njóta. Fórum líka á Pub, fengum okkur nokkra kalda og horfðum líka á Everton sigra MansteftirUnided. Hér eru nokkrar myndir af blómstrandi trjám og fl.

Vá hvað þetta kom á óvart.
Það kennir manni að maður á ekki að dæma fyrirfram. Allur salurinn var á móti henni í byrjun og bjóst ekki við neinu, hún er nú engin fegurðardís blessunin en VÁ þvílík rödd. Ég átti ekki til orð þegar ég horfði á Britain´s got talent á laugardaginn.
Þetta var líka mjög skemmtilegt, gaman að sjá hvað feðgarnir höfðu gaman af þessu og tóku sig ekki of alvarlega.
Gunnar Halldór

Gleðilega Páska

Við óskum öllum gleðilega páska og farið nú varlega í eggin.

Munið nú líka eftir því að við höldum páska til að fagna upprisu Jesú Krists frá dauðum. Þess vegna eru páskarnir gleði- og sigurhátíð í hugum kristinna manna og eru þeir raunar elsta hátíð kristninnar. Af þeim sökum kölluðu kirkjufeðurnir páskana "Festum festorum" eða hátíð hátíðanna. Sérhver sunnudagur er, frá sjónarhóli kristninnar, endurómur af gleðisöng páskanna: „Hann er sannarlega upprisinn!” Því er sunnudagurinn einnig nefndur Drottinsdagur.

Svava fór í messu klukkan átta í Keflavíkurkirkju og ég ætla í messu í Kaþólskri kirkju hérna rétt hjá.

Svava og Gunnar Halldór í Keflavík og Leeds

Heimsókn á klakann I

Ég er núna á Íslandi í stuttu páskastoppi, kom sunnudagskvöldið 5. apríl. Búin að gera helling á stuttum tíma:

• fara með pabba í lónið
• Fara i afganga til nöfnu fermingarstúlku og gefa henni forláta skartgripaskrín
• syngja í Singstar með nöfnu og spila Phase10
• drekka kaffi með Sollu
• hitta Kennaraháskólakórsvinkonur, Völu og Gústu hjá Helgu Guðrúnu
• hossa Gabríeli Veigar og spjalla við Kristínu Hrönn, hitti líka Lilju og Bergþóru þar
• elda grjónagraut og slátur fyrir strákana
• spjalla við Guðbjörgu og Bjössa
• ganga hring um Keflavík með Írisi og Erlu
• ræða heimsmálin við pabba
• fá hamborgara og spjalla við Möggu
• fara með Olsen til Jóns
• fara í bankann
• kjósa
• leika mér í nýju tölvunni minni

Nóg að gera, meira seinna Svava

Because
Because the world is round it turns me on, because the wind is high it blows my mind, because the sky is blue it makes me cry......
Frábært að enda þessa góðu mynd með þessum texta og lagi. American beauty er mynd sem blows your mind, frábært handrit og með þessum líka flottu leikurum. Kevin Spacey er bara trygging fyrir góðri mynd. Uppáhaldssetningar; Spectacular og You are so busted....
Horfði líka á What's eating Gilbert Grape, mynd sem er svosem ágæt á sinn hátt. Góður leikur og fínn söguþráður. Mynd sem skartar að öllum líkindum þyngstu leikonu heims.
Þessi gagnrýni var í boði Gunnars Halldórs

Jæja það er kominn tími á pínu blogg eins og Gunnar myndi segja. Hér hefur lífið gengið sinn vanagang, ég fer í skrifstofuna og rembist við að læra og vinn á bókasafninu. Gunnar skrifar enskuritgerðir og lærir um stafræna ljósmyndun.
Nei ekki alveg svona rólegt, vorið er komið, páskaliljur og krókúsar út um allt. Svo erum við að verða vitlaus á Ebay, búin að kaupa súkkulaðibrunn, ísvél og tölvu. Það er ofaná tölvuna sem ég keypti beint frá Dell, gamla góða Acer vélin mín gengur enn en ég býst alltaf við að það kvikni í henni einn góðan veðurdag. Allavega eru nýju vélarnar að gera mig klikkaða því það gengur eitthvað illa að tengjast netinu í þeim, finn út úr því með þrjóskunni.!

Ég er að fara á klakann á sunnudaginn.

Námið............. veit ekki mér skilst að maður viti aldrei, það er svo allt öðruvísi að vera einn að hamast við sitt project, leiðbeinendurnir segja að ég sé að "making good progress", er núna að undirbúa að verja rannsóknaráætlunina. Það sem er aðallega að pirra mig er að mér eru takmörk sett í orðafjölda svo ég er að skera niður það sem ég skrifaði í haust.
Annars er spurningalistinn minn opinn, komin um 80 kláruð svör, vildi samt fá fleirri úr stóru skólunum á Reykjavíkursvæðinu, svo er einhver slíkur les...svara takk. Frábært samt hvað það eru komin mörg svör.

Einn í skrifstofunni minni var að fríka út í dag eftir slæman fund og fann þá þetta http://www.phdcomics.com/comics.php, vildi helst hætta, en eins og Charles vinur minn segir "This PhD thing is no simple thing" ...... hann er samt að klára gott að sjá að þetta tekur allt enda.

Flu knocks out Tina Turner concert dates

Fengum bréf um að það væri búið að fresta tónleikunum í Sheffield sem áttu að vera í dag til 5 maí vegna þessa "unglambið" hún Tina væri komin með flensu eina og lesa má hér.
Þannig að við verðum bara að bíða smá tíma í viðbót.

Þorrablót og tónleikar

Um síðustu helgi fórum við með Huldu og Les á Þorrablót voða fínu hóteli rétt við Hull. Það býr töluvert af íslendingum á Humbersvæðinu aðallega í kringum fisk innflutning en það kom líka fólk að sunnan, frá Gatwick og Cambridge. Þetta var bara gaman, fá hrútspunga og brennivín og syngja Táp og fjör, reyndar gátu karlagreyin ekkert sungið svo Fósturlandsins Freyja fékk hræðilega útreið. Það skyggði óneitanlega á fjörið að ég var enn með hálsbólgu og frekar slöpp. Hafði samt gaman af því að kynnast Kristínu Wallis sem er að vinna við að kynna íslenskum kennurum Numicon.

Daginn eftir fórum við á rúntinn til Bridlington og gengum með höfninni og fengum okkur Fish and Chips, skoðuðum ágengustu máva sem ég hef séð og einn skeit á Les greyið.

Myndir frá Þorrablótinu og Bridlington http://www.facebook.com/album.php?aid=63403&id=696749115&l=2cca8

Svo í vikunni fórum við Hulda til Sheffield og á tónleika með Il Divo, þeir syngja náttúrulega dásamlega en það er svolítið skrýtið að vera svona langt frá sviðinu. Mínir myndir eru frekar slakar en hér eru fleirri . Þeir sungu fullt af lögum sem við höfðum ekki heyrt þá taka áður og við vorum hrifnastar af "The impossible dream" enda aldar upp á Roger Whitaker og svo skelltu þeir inn einu ABBA, minnir "the winner takes it all" og fóru bara vel með. Er ekki alveg sammála þessari umsögn. Við gistum á glænýju og ótrúlega flottu hóteli og fór vel um okkur. Við fórum út að borða a Café Rouge og spókuðum okkur um Sheffield en miðborgin þar er lítil og mjög hugguleg að verða.

Myndir frá Sheffield http://www.facebook.com/album.php?aid=63412&id=696749115&l=96e9e