Grettukeppni

Heimilisfólkið á Stanmore Grove fór í grettukeppni og hérna eru "bestu" gretturnar. Vinsamlegast sendið inn ykkar álit. Hvaða gretta er best? En ekki vildi ég mæta þessu liði að kvöldi til.

Pakkinn er kominn

Ég er búin að vera að bíða eftir afmælispakka frá Gerði sem hún setti í póst 5.2. við vorum farnar að hafa áhyggjur af honum, en svona leit hann út og þetta fína innihald sem Gerður vonar að ég fái ekki hjartaáfall af. Þetta var frábær sending og ég fæ örugglega nóg hjálp til að forða mér frá hjartaáfalli. Takk takk Gerður & Co.

Garðar Cortes og Ronan Keating
stóðu sig með sóma á hljómleikunum í Sheffield. Einnig voru listdansararnir á skautum frábærir. Semsagt frábært Art on Ice.
Við fórum snemma til Sheffield til að skoða borgina og fórum einnig á góðan ítalskan veitingastað.
Við erum orðin mjög örugg að keyra um og til nágrannabæjanna eins og ekkert CCCCCCCC.

Afmælisveisla

Í gær hélt Bergþóra Sól afmæliveislu fyrir nokkrar skólasystur sínar. Svava bakaði og Bergþóra aðstoðaði við að baka afmælisköku, búa til heimlagaðar pizzur og ýmislegt annað góðgæti. Síðan var stofan skreytt. Það var sungin afmælissöngur, blásið á kerti og farið í ýmsa leiki. Veislan tókst vel og allir fór heim saddir og glaðir. Afmælisbarnið var líka í skýunum yfir að fá Wii í afmælisgjöf frá okkur Svövu og þær gera ekki annað núna en að leika hina ýmsu leiki sem við keyptum með tölvunn. Skólinn byrjar svo hjá Bergþóru á morgun eftir miðannarfrí en í dag ætlum við til Sheffield á Art on Ice og einnig að skoða borgina svona í leiðinni.

kveðja GHG

Bergþóra Sól 10 ára

Eins og lög gera ráð fyrir var hún vakin upp með afmælissöng, gjöfum og morgunmat í rúmið.

Skammt stórra högga á milli

Sú stutta er 10 ára í dag og fær af því tilefni smá myndasýningu með uppáhalds pósinu :)
Til hamingju með afmælið prinsessa.

Árinu eldri og alltaf jafn kát :) 24 eða 42

Nú um helgina skall á mig eitt árið enn, ekki það að ég finni mikið fyrir þeim. Tók svona próf á Facebook "What is your real age" og þá kom í ljós 23 ára, svo Sandhya sagði að nú hefði ég orðið 24 ára svo við höldum því bara svona á milli okkar að það er víst á hinn veginn.
Hulda og Les komu á föstudaginn, ákváðu að taka sér frí frá því að kaupa húsgögn og fagna afmælum með okkur, því jú Les og ég eigum sama afmælisdag.
Við Hulda græjuðum heita rétt og alles á laugardaginn svo komu nokkrar pæjur í partí, ég hafði keypt nýtt spil í tilefni dagsins, The Big Taboo, og Articulate, spiluðum þau og skemmtum okkur frábærlega. Fékk fullt af kveðjum og pökkum takk fyrir það allt.
Svo kíktum við í bæinn á sunnudag með strætó í sól. Sjá myndir hér við hliðina.
Takk fyrir djúserinn, komuna og hjálpina Hulda og Les

Ofsa-veður
Það er nú svolítið gaman að lesa um allt þetta ofsa- veður sem er búið að hamra á íslendingum í allan vetur og þá sérstaklega undanfarnar vikur. Við hefðum ekki getað valið betri vetur til að vera fjarverandi af landinu bláa. En svona veður herðir bara mannskapinn "only the fittest survive".
En það er svosem einnig ofsa-veður hérna s.s. ofsalega mikil sól, logn og hitinn á bilinu 10-15 gráður á daginn :)
Bkv Gunnar Halldór, Svava og Bergþóra Sól

Búin að skila fyrsta skammti





Svona leit bunkinn út sem ég skilaði af mér í gær ! 4 ritgerðir = 12000 orð eða um 60 bls. Hér er skilað tveim pappíreintökum og einu á CD. Svo þarf að fylla út tvö eyðublöð eitt um að maður hafi engu rænt af annara hugverkum og eitt sem kennararnir skrá svo athugasemdir og einkunn. Einkunnirnar eru á skalanum 0 - 90 og þarf 50 til að ná, ég hef ekki hugmynd um hvar þessi skrif mín eiga eftir að lenda kemur bara í ljós.
Það er allavega ljóst að ég lá í leti og ætla ekki að líta í bók fyrr en á sunnudaginn, næsta verkefni sem liggur fyrir er að ákveða hvaða efni ég vil fjalla um í MA ritgerðinni og annari smærri sem á að byrja á fljótlega. See you later er farin að horfa á DVD og liggja í leti ;)

Art on Ice

Við erum farin að hlakka til 17. febrúar því þá förum við til Sheffield til að sjá þetta; Art on Ice þarna er hægt er að fá forsmekinn af því sem við komum til með að sjá og heyra. Garðar Cortes verður þar ásamt
Ronan Keating úr strákasveitinni Boyzone OG heill hellingur af frábærum listadönsurum á skautum. Þetta verður örugglega gaman og ekki mundi skemma fyrir ef Ronan tæki nú aðallagið úr uppáhaldsmynd Svövu; Notting Hill þá kæmi maður til með að sjá tár á hvarmi.

Allaveganna mikið gaman og mikið fjör.

Bkv Gunnar Halldór

Afmæli

Bergþóra fór í afmælisveislu í dag hjá Shanell skólasystur sinni ásamt fullt af gestum, bæði úr bekknum hennar og eins töluðvert af ættingjum hennar Shanell. Veislan var haldin í sal út í bæ þar sem var mikið um dýrðir og gott að borða. Á myndinni hér til hliðar eru nokkrar bekkjasystur Bergþóru og einnig frænka og hálfsystir. Það var úrvinda stelpa sem kom heim rúmlega níu eftir að hafa dansað og leikið sér frá klukkan fimm. Svo á Bergþóra Sól sjálf afmæli 12 febrúar og ætlar að bjóða stelpunum úr bekknum í veislu heim laugardaginn 16 febrúar.

Speki dagsins.
Fékk þetta frá Iðunni áðan alltaf got að minna sig á svona hluti.

Every sixty seconds spent Angry, upset , or mad unnecessarily, is a full minute of happiness lost.
Life is short, Break the rules, Forgive quickly, Kiss Slowly, Love truly, Laugh uncontrollably, And never regret anything that Made you smile.
Life may not be the party we hoped for, but while we're here we should Dance

Það snjóaði í morgun svona föl sem var horfin fyrr en varði, en samt fór rafmagnið einhversstaðar í Norður Yorkshire, enda allar rafmagns og símalínur bara í loftinu og ekki merkilegar að sjá.

Blogg er ágætisvettvangur til að fá úrás fyrir geðvonsku maður sér það oft á moggablogginu t.d. hér . Ég ætla núna að röfla um bókasafnið í Leeds háskóla. Það er að flestu leiti frábært, get tekið frá bækur sem mig vantar á netinu ef einhver annar er með hana í útláni. En þessvegna varð ég svo fúl í gær, einhver hafði tekið frá bók sem ég var með í láni, ok. það væri alveg skiljanlegt og ekkert mál ef þetta væri fágæt bók og fá eintök til. En ég sá stax á netinu að það voru mörg eintök til og laus, fer með bókina á safnið til að athuga málið og það voru TÍU, endurtek TÍU eintök í hillunni enda mjög góð almenn bók um námsmat. En einhver kálfur úti í bæ hafði tekið frá mitt eintak... þá get ég ekki endurnýjað og fæ sektir ef ég skila ekki.... ég röflaði þetta við tvo starfsmenn, en svörin á þá leið að svona væri kerfið..... það gæti verið einhver ástæða til að viðkomandi vildi þetta eintak, kannski voru öll eintökin úti þegar hann tók frá.... blablabla.... og ég röflaði í alvöru.... er ekki vön að gera svoleiðis..... endirinn varð að ég varð að skila eintakinu... og ná í eitt af þessum tíu...... Paul Yates skuldar mér 40 pence ( ég les svo vel á hvolfi að ég sá nafnið á þrjótnum sem tók mína frá )

Fljótt skipast veður..........
Ég hefði átt að tala meira um vorveðrið hér í Ledds. Í dag blésu ansi hvassir og kaldir vindar um okkur og spáir köldu næstu daga........aumingja gróðurinn já og mannfólkið,,,,,,,,,,,,,,,

Vor í lofti
Undanfarna daga hefur verið alveg frábært vorveður hérna í Leeds með 10 stiga hita og logni. Þegar sólin skýn þá verður þetta alveg barasta dásamlegasta veður og maður fær svona vorfíling í sig. Gróðurinn er að taka við sér t.d. gulir krókusar eru komnir víða upp úr moldinni og sum tré eru byrjuð að bruma. Maður þakka líka sínu sæla fyrir að þurfa ekki að takast á við íslenskt veðurfar eins og það er búið að að vera undanfarnar vikurnar.

A perfect day for Rangers at Ibrox
Þegar Bergþóra Sól og Svava fóru til Liverpool í gær þá fór ég til Glasgow ásamt fullri rútu af hörðum stuðningsmönnum Rangers FC.
Ég hef verið að tala við ágætis náunaga sem heirtir Martin og er ekta skoti, með alveg dásamlegan skoskan framburð. Ástæðan fyrir því að við hittumst 3 sinnum í viku er að hann á strák sem er í sama sundliði og Bergþóra er að æfa með. Við höfum auðvitað verið mikið að tala um fótbolta og þannig kom það til að ég fór þessa ferð.Svava skutlaði mér niður á rútustöð klukkan hálf átta og við tók nærri 5 klukkutíma ferð til Glasgow þar sem hlustað var á stuðningmannalög og drukkinn bjór og rabba um fótbolta. Það sem ég veitti athygli var þessi gömlu baraáttulög sem fjalla aðalega um einhvern eða hverja sem eru að berjast á vígvellinum eða annars staðar , falla með sæmd, og einnig hvatt til þess að sonurinn fylgi í fótspor feðrana. Þetta er eins og ég sagði við Martin svona “sacrificing songs” og hann og félagi hans hlógu mikið af nafngiftinni hjá mér. Martin sagði mér að það væri búið að banna sum þessara laga á Ibox. Einngi fannst mér athyglisverður rígurinn milli Rangers þar sem eru svokallaðir loyalists (mótmælendur sem styðja krúnunna) og kaþólikka (sjálfstæðissinna) sem styðja Celtic FC. Einnig eru mjög mikil tengsl við Norður Írland og félag þar sem heitir Linfield FC. En semsagt þetta var mjög fræðaðndi ferð og gaman að koma á Ibrox, þar sem Rangers sigraði St Mirren 4-0. Spurning hvort ég láti verða af því að fara í 10 tíma rútuferð til Skotlands á fótborltaleik aftur í bráð. Við sjáum til en þetta var enga að síður mjög gaman.

Veðrið !

Ekki í Leeds sem er bara meinlaust, heldur á klakanum, pabbi hringdi, bílskúrshurðin fokin af og míglekur svefnherbergið voru fyrstu fréttir, það var samt ekki alveg svo slæmt, því hurðin slóst til, björgunarsveitin kom og festi hana og plötur sem voru að losna af bílskúrsþakinu. Það var samt rétt með lekann í svefnherberginu, vonandi samt bara tilfallandi með þessu brjálaða veðri, þakið á allt að vera í lagi.
Hér er bara setið við og þóst vinna... (fór áðan og bakaði skúffuköku og er alltaf eitthvað að drolla :( ) erfið þessi síðustu handtök, er að breyta og bæta eftir umsögnum kennaranna og klippa niður orðafjölda sem verður víst að virða.

Heimsókn í Menningarborg Evrópu 2008

Við Bergþóra fórum í dag til Liverpool, með International Student Office, Gunnar fór til Glasgow að horfa á fótboltaleik og er ekki enn komin heim þegar þetta er skrifað, hann segir ykkur vonandi frá því seinna.

Við fórum að sjálfsögðu í Bítlasafnið eins og sjá má, og í City tour í tveggja hæða bíl með leiðsögn, skoðuðum stærstu Dómkirkju í UK Liverpool Cathedral hún er úr rauðum sandsteini og allt öðruvísi þannig en aðrar stórar kirkjur sem ég hef séð hér í landi. Höfnin Albert Docks hafa líka sinn sjarma og mikið af gömlum og fallegum byggingum. Annars takmarkað sem hægt er að komast yfir á einum degi.

Nýjar myndir eða þannig.

Betra seint en aldrei skellti inn slatta af myndum úr afmælinu hennar Möggu, hugsa að það hafi ekki verið teknar svona margar myndir af henni á einu kvöldi áður, en myndirnar geyma góðar minningar úr alveg frábæru teiti. Það er tengill á þær hér við hliðina,maður er alltaf að uppgötva eitthvað nýtt.

kv. Svava

• ekki gott ad vera med blogg og skrifa ekki neitt
• tad rignir og rignir
• a ad vera ad skrifa 6. feb nalgast odfluga, er ekki ad nenna tvi nuna :(
• skiladi uppkasti sem tarf mikillar endurskodunar vid
• tad eru komin paskaegg og valentinusarkort i budirnar

kv. svava i letikasti.............

Til hamingju með 18 ára afmælið Pétur

Hann Pétur minn varð 18 ára í gær elsku karlinn bara orðinn sjálfráða. Safnaði saman myndum af þessu tilefni sem eru hér. Þar má sjá að hann er alltaf að gera tilraunir með hártískuna, nú er hann komin með göt í bæði eyrun og ég get ekki bannað honum lengur að fá tattú svo það verður gaman að sjá hvort hann stendur við það að setja á ennið á sér "bara af því að mamma bannaði mér það" ! Hvað sem verður er hann allavega stór og flottur strákur.

Við erum komin aftur til Leeds, rosalega skrýtin tilfinning að vera að fara til útlanda og vera að fara heim til sín. Ég var svo rugluð þegar Bergþóra sagði að við værum örugglega komin í flugvélinni, hún sæi svo mikið af ljósum að það datt´upp úr mér "þetta er ábyggilega Reykjavík". En maðnni á líður víst best heima hjá sér í með sína sæng og sitt drasl. Við höfðum það samt alveg svakalega gott allstaðar sem við komum og þökkum öllum sem buðu okkur í mat, og leyfðu okkur að gista, við eru vel haldin og sæl með þessa för. Að öðrum ólöstuðum þá fá Jón og Gerður þúsund kossa fyrir gistingu, bílalán og umburðarlyndi Takk Takk.

Gleðilegt nýtt ár.
Við óskum öllum nær og fær til sjávar sveita borga og í Sandgerði gleðilegs nýs árs og farsældar.

Happy new year !!!!

We send you all our fondest wishes for a great new year and happyness for all

Svava og Gunnar Halldór

Komin til Íslands

Flugið gekk vel til Íslands og erum við búin að vera á fullu í undirb. jóla m.a. með mömmu og fl. Við erum líka búin að fá þessa fínu íbúð á Sóleyjargötunni, þar sem Jón og Pétur eru líka komnir. Við fórum í bæinn í kvöld með Sillu og Herði og gengum um miðbæinn og hlusuðum á góða tónlist í Óperunni ásamt því að fara á veitingastað og bara horfa á allt fólkið og fá góðan jólafíling sem virkilega var hægt þarna á Laugarveginum.

Sjá hér frétt af stemningunni í bænum: http://mbl.is/mm/frettir/innlent/2007/12/23/thorlaksmessustemmning/

Gaman að vera komin heim.

Það væri skemmtilegt að allir þeir sem heimsækja síðuna okkar hér kvittuðu fyrir sig undir commends hér fyrir neðan.

Gleðileg jól til allra og hafið það gott um jólin og vonandi finna allir hinn sanna jóla-anda.......................................Gunnar Halldór og Svava

FARIN TIL ÍSLANDS í Jólafrí

Við erum nánast búin að pakka og ætlum að fara að setja töskurnar inn í bílinn og keyra á flugvöllinn í Manchester. Þar sem bíllinn okkar fíni mun dvelja um jólin, en ekki vorkenna honum hann mun vera á fínu bílastæði þar sem menn mun klappa honum. Við fórum síðustu innkaupaferðina niður í bæ fyrir jólin í gærkveldi og Sherelle og Shenell komu til að keðja og færa Bergþóru Sól jólagjöf og var gerð undanþága, hún fékk að taka hana strax upp. Hún var mikið ánægð með gjöfina, var reyndar búin að óska sér þess að fá svona tösku í jólagjöf.

Við hlökkum til að sjá ykkur um jól og áramót.



Lendum um miðnættið á flugvelli Lefs Eiríks.

Nú ætla ég að röfla aðeins hér, búin að röfla svo mikið í Gunnari að hann er komin með sigg á eyrun greyið. Ég keyrði á tré í dag :( eða þannig var búin að hringsóla í kringum háskólann í 40 mínútur að leita að stæði, fór svo inn á stæði sem þarf að borga 5 pund og ætlaði að troða mér í þröngt stæði og fór utan í tré................... argargarg....
Læt bara einkabílstjórann minn keyra mig og sækja í skólann þegar ég vil ekki fara á hjóli. Verð þá líklega að minnka röflið aðeins.......

Kleinur

4 bollar hveiti (400 gr)
1 bolli sykur ( 80 gr)
75 gr smjörlíki
1 tsk kardimommudropar ( ég nota alltaf vanillu smekksatriði)
1 egg
2,5 dl mjólk
1 tsk lyftiduft
1 tsk eggjaduft ( hvað er það ?)

hnoðað gerir u.þ.b. 40 stk, ég geri 3-4 falda uppskrift í einu tekur ekki að byrja fyrir minna.

Gangi þér vel Bjartur.

Reyni að vera með jólaeyrnalokka þegar ég heimsæki Heiðarskóla.

Jólakveðja SVava

Skrítnir dagar og síðasta kennsluvikan í bili

Jæja nú er kennslunni að ljúka síðustu tímarnir í þessari viku þá þarf bara að bretta upp ermarnar og skrifa 8000 orð, hljómaði einu sinni agalega mikið en vandinn hjá mér er frekar hverju á að sleppa, það er að segja loks þegar ég er búin að ákveða hvað ég vil skrifa um.

Annars er nóg að gera í öðru líka, jólapartý í skólanum á föstudaginn var, allir áttu að koma með einhvern mat svo ég bakaði kleinur sem voru borðaðar með alls konar undarlegum réttum. Ég söng, Gunnar sagði að hann hefði sko heyrt að ég er ekki í æfingu vona að þetta hafi verið sæmilegt samt.

Bergþóra er búin að liggja lasin með hita og hálsbólgu alveg agalega slöpp, þá er nú gott að hafa pabba alveg til að sinna sér.

Það er orðið hundkalt hérna, hrím á bílnum í morgun, hann er samt alltaf í fríi, ég hjóla flesta daga, fór með það í yfirhalningu um daginn, stilla gíra og laga bremsur, ekki gott að vera bremslulaus hér í brekkunum hjúúúú´.... og svo sprakk daginn eftir, gaurinn í hjólabúðinni orðinn ágætis kunningi minn.

teljum held ég öll dagana þar til við förum til Íslands, komum kvöldið 21.des. Sé ykkur þá kv. Svava

Aðventan byrjuð

Ég og Bergþóra fórum í skólann minn í morgun að skreyta andyrið (sjá mynd) . Við heyrum af nemendum í öðrum deildum að við erum frekar öfunduð, farið með okkur í ferðalög, haldin boð og allskonar ummhyggja sem skortir annarstaðar.

Svo fórum við í búð og ég varð bara ringluð (ringlaðri sagði Gunnar !!!!) af öllu úrvalinu, hlakka bara til að fara í Bónus og velja bara út 2 -3 tegundum í staðin fyrir 23 hér. Val á greinilega ekki vel við mig því ég skipti um skoðun á korter fresti um hvað ég ætla að skrifa í næsta verkefni.

Slapp ekki við pestina en var bara heima á fimmtudaginn sem var samt of mikið því ég missti af tíma um faglega þróun og endurmenntun.

Sí jú Svava

Magna Science and group work

Á sunnudaginn fór ég með Margaretu og Sandhyu í Magna Science Adventure Center. Gunnar og Bergþóra höfðu ætlað með en hún greyið var með magapest svo þau urðu eftir heima. Safnið var svolítið skrítið í gamalli járnvinnslu, risastórt og ískalt brrrrrrrrrrrbrbrbrrr fullt af dóti fyrir krakka að prófa og líka fróðleikur fyrir fullorðna. Við prófuðum líka allt og ef ég gefst upp kennslu get ég orðið skurðgröfustjóri ! Sýnid hvílíka hæfileika á henni.
Svo ætluðum við að borða á enskum pöpp, það varð ekki þrautalaust, fyrsti var yfrifullur, næsti seldi ekki mat en fengum voða fínt á þeim þriðja.

Í gær fór ég með tveimur að vinna hópverkefni heima hjá Jane sem er bresk og starfandi kennari hér í Leeds, hún bauð upp á ´Shepherds pie' stilton og cheddar voða gaman. Ég fór einhverja ógurlega krókaleið heim til hennar og var föst í umferðaröngþveiti tók 1 klst en renndi svo heima á 10 mínútum !

Gunnar er núna orðinn veikur, vona að ég verði ekki næst má ekkert vera að því, heilinn er núna í bleyti fyrir næstu tvö verkefni, er að lesa kringum þau.

Veturinn kominn

Jæja, nú loksins tók ég kápuna mína í notkun enda orðið kalt og hráslagalegt úti. Fór út að dansa með Sandhyu, Miriam og Islauru stanslaust salsa og samba með rappívafi í tvo tíma og svo heim, kostnaður samtals: miði inn, 2 drykkir og stúdentarúta upp að dyrum 7,50 eða um 1000 kall.
Fórum að versla jólagjafir og föt í dag, gengur bara vel, verst held ég að ég keypti þrjár gjafir á einum stað borgaði þær og fór, vona að þær verði þar enn þegar ég fer að vitja þeirra, orðin eitthvað utan við mig á gamals aldri.
Lærði eins og berserkur undanfarinn hálfan mánuð og skilaði tveimur uppköstum í vikunni. Fyrir þá sem vilja vita þá var ég að stúdera rannsóknir á hugmyndum nemenda um varðveislu massans og áhrif þeirra á kennslu og skipulagningu hennar, og hugmyndir tveggja fræðinga um heim skóla og náttúrufræði sem sér menningarheim, og hvernig nemendum gengur að aðlagast hann að sínum daglega menningarheim. Næsta mál á dagskrá er að ákveða efni næstu verkefna og lesa og skipuleggja.

Skátar og sund.

Ég gleymdi einu þegar ég var að telja upp hvað dugnaðarstelpan hún Bergþóra Sól tekur sér fyrir hendur á viku hverri. En semsagt á föstudagskvöldum milli 18 og 20:30 þá er hún í skátastarfi (Brownies). Hér til hliðar er hún í búningnum sínum. Það er margt skemmtilegt sem stelpurnar læra þar, og síðasta föstudagskvöld var farið í bæinn til að skoða ljósmyndasýningu og á Mcdonnald´s á eftir. Mikið fjör og mikið gaman að hennar sögn.

Þar sem það var starfsdagur í skólanum hennar í dag þá lærðum fyrst og síðan fórum við í sund. Henni hefur farið ótrúlega mikið fram á ekki lengri tíma. Við versluðum líka nýjan bol og æfingadót í klúbb-búðinni, það má nú ekki minna vera fyrir keppnina. En laugin sem hún kemur til með að keppa í 1. des. er stór og flott laug með sæti fyrir 800 áhorfendur. Hérna eru myndir frá Leeds Aquatic Centre; http://www.leeds.gov.uk/page.aspx?pageidentifier=92E3BE57BD5C06CD80256E1A00424F70; þar sem hún kemur til með að keppa fyrir City Leeds Swimming Club; http://www.swimleeds.org.uk/

Kveðja frá okkur hérna í Leeds............

Gunnar Halldór

Velti vöngum, les og skrifa
þarf að:
- lesa hraðar
- taka lengri skorpur
- vera skipulagðari
- byrja fyrr

og hana nú....
æi gleymdi ... hætta að vera sammála öllu sem ég les

Allt á fullu á Stanmore Grove
Stelpurnar mínar tvær eru á fullu þessa daga. Svava les og les og skrifar þess á milli. Fer á morgnanna upp í háskóla og kemur seint. Hún þarf að skila tveimur ritgerðum í næstu viku. Svo það er eins gott að halda sér við efnið. Bergþóra Sól er á fullu í sínu námi. Mætir rétt fyrir níu og er búinn klukkan korter yfir þrjú. Síðan tekur við heimanám og á sunnudögum-þriðjudögum og fimmtudögum erþað sund og kikkboxing á þriðjudögum og fimmtudögum. Bergþóra er síðan búin að vera að stúdera gamlar söngvamyndir sem hún á DVD. Fyrst var það Söngvaseiður með Julie Andrews sem var horft á 150 sinnum, síðan Annie og núna er það The wizard of OZ (Galdrakarlinn í OZ) með Judy Garland, sem horft er á lon og don, þannig að hún kann hana utanað og dansar líka með. Það er nú hægt að horfa á margar verri mynir en þessa, en hún var valin besta mynd allra tíma af American film Institute. Síðan höfum við eitthvað gott að borða um kvöldmatarleytið, nema hvað í kvöld á að panta pizzu að kröfu prinsessunnar. Þetta er svona venjulegir virkir dagar. Á meðan er ég heima að skúra skrúbba og bóna ;)
Gunnar Halldór

Indverskt matarboð með fjölþjóðlegum gestum

Ég fékk tvær úr skólanum í gær til að kenna mér að elda indverskan mat, svo buðum við nokkrum í viðbót svo við vorum 10. Talið frá vinstri frá Bretlandi, Kanada, Svíþjóð, Kína, Kúbu, og Indlandi. Við fórum í Tesco og keyptum inn og elduðum svo fjóra rétti og kjöftuðum mikið. Ferlega gaman. Önnur er gift þessum með trúbaninn og er þrælvön að elda en hin óvön en kom með krydd og uppskriftir með sér svo þetta var allt vel heppnað. Næst ætlum við að elda mat frá Mexíco og Kúbu.

Góð heimsókn

Við fengum Möggu, Óðinn og Pétur í heimsókn frá fimmtudegi til mánudags. Þau komu með Huldu og Les frá Grimsby í mat á fimmtudagskvöldið. Svava eldaði kalkún með minni hjálp ;9. og það var svona jólamatsuppskrift með fyllingu og öllu sem við á.

Við fórum á The Royal Armories þar sem við gátum skoðað morðtól frá ýmsum tímum, og hvernig menn háðu stríð og svona margt álíka uppbyggilegt í því samhengi. Eins var farið í nokkra göngutúra m.a. upp á heiðar í Yorkshire Dales, hjá bænum Ilkley og í næsta nágrenni við okkur hér á Stanmore Grove, eins upp í Háskóla og svona. Eins fórum við töluðvert út að borða m.a. á uppáhalds Inderska veitingastaðinn okkar Shees Mahal og á einn Grískan veitingastað sem heitir The Olive tree, sem er líka mjög fínn. Semsagt takk fyrir heimsóknina, ávalt gaman að fá góða gesti í heimsókn. Gunnar Halldór.

Heimasíminn okkar
Síminn okkar er kominn í lag. Þetta er í annað skiptið síðan við fengum okkar þetta símanúmer, á stuttum tíma, að einhver bilun verður. Við tökum yfirleitt ekki eftir því fyrr en eftir nokkra daga, því það er nú ekki verið að hringja það oft í okkur ;). Og þegar við svo hringjum til að kvarta yfir því að það sé ekki einu sinni sónn í símanum okkar, þá er okkur sagt að það verði kíkt á þetta eftir nokkra daga klukkan þetta og þetta. Síðan er haft samband þegar búið er að koma þessu í lag og sagt að það hafi verið bilun í kassa. grrrrr þetta er nú ekki góð þjónusta......
En allaveganna þeir sem ætla að hringja í okkur, geta gert það núna og símanúmerið er: +44-113-2160191
Gunnar Halldór

Til hamingju með 16 ára afmælið Jón

Hann Jón minn er 16 ára í dag elsku skrjóðurinn. Safnaði saman myndum af þessu tilefni sem eru hér. Það sést sko að Jón er alltaf í stuði, einhverstaðar á fleygiferð og til í að gretta sig smá. Bara flottur eða það finnst mömmunni allavega.

Halloween

Í dag er halloween, ég komst að því að hefðirnar í kringum þennan dag koma upphaflega frá Írlandi þaðan til USA og svo aftur hingað til UK. Líka að sala varnings í kringum þetta hefði tífaldast á árunum 2001 - 2006 úr 12 m pund í 120 m pund.

Við fórum tókum þátt í þessu öllu með því að byrgja okkur upp af sælgæti og Berþóra keypti kisubúning. Henni var boðið í fyrradag til Shenell og Sherelle til að skera út grasker sem var fyrir utan hjá okkur í kvöld að verja húsið fyrir illum öndum. Í dag fór hún svo með þeim ,,trick or treating" og kom hlaðin sælgæti og peningum til baka, ekki allir eins vel undirbúnir og við sem situm uppi með heilan helling af krakkanammi því það virðast ekki vera mörg börn í nágrenningu og fáir komu.

Héldum að himinn og jörð væri að farast í gærmorgun þegar dyrabjallan hringdi stanslaust kl. 7:00 nei nei það var ekki kviknað í, það var bara pósturinn að koma með pakka !

Fórum í dag á bændamarkað í Otley, rétt hjá Leeds

og ætluðum líka á annan svona skranmarkað en það eru fleirri árrisulir en pósturinn, markaðurinn opnar 6 og er búinn fljótlega upp úr hádegi. En bændamarkaðurinn var frábær, í litlum svefnbæ í útjaðri Leeds. Keyptum lamakjöt og grænmeti og bacon og hunang allt beint af bóndanum og á fínu verði. Hittum líka bæjarkallarann, þennan á myndinni. :)

Ég les og les en samt ekki nóg, þyrfti að vera duglegri, skemmtilegast finnst mér núna að lesa lærðar greinar og koma í orð allskonar vangaveltum sem hafa verið að brjótast um í hausnum á mér undanfarin ár um kennsluna, vangaveltur um tilgang, innihald, árangur og aðferðir. Kannski verst að það er alltaf einhver annar búin að hugsa það sama og ég áður !

Er svo búin að vera hálfkjökrandi yfir því að komast ekki í Leeds Festival Chorus, röddin mín ekki tilbúin var sagt, ég vil meina slakur undirbúningur, en þá get bara ég einbeitt mér að náminu og farið meira í ræktina, samt fúlt.

Grunnskólar er búinn að vera í fríi síðustu viku og Bergþóra þar með í fríi. Fólk fer greinilega töluvert á flakk eða er upptekið með börnunum sínum svo ég var ein í jógatíma, fékk bara einkakennslu, það var bara frábært. Bergþóra er búin að vera mjög dugleg á sundæfingunum hjá Leeds swimming club, æfingarnar eru 3 sinnum í viku, og áhuginn varð líka meiri þegar Shannel vinkona hennar hóf að æfa með klúbbnum. Þær eru síðan 2 sinnum í viku í Kikboxing.

Skellti inn nokkrum myndum frá helginni.
Veit ekki með aðra sem hafa búið erlendir en ég fæ reglulega þá tilfinningu að ég sé stödd í sjónvarpsþætti eða draumi .... Svo slæmt að í dag bjóst ég alveg eins við að kennarinn myndi á hverri stundu svissa yfir í íslensku. En þetta er víst raunveruleikinn.

Fer loks í prufu hjá Leeds Festivel Chorus á morgun, wish me luck !

Helgarferð í Lake District

Ég fór um helgina með School of Education til Lake District sem er risastór þjóðgarður hér. Við gistum í skólabúðum einhverskonar, í kojum eins og smákrakkar borðuðum bragðlausan breskan mat og nutum náttúrunnar. Fórum í svaka fjallgöngu, ég var smá móð á leiðinni upp, en það er augljóst að hjólreiðarnar og gönguferðirnar eru að borga sig því ég er alveg laus við harðsperrur :)

Það var cultural evening þar sem fólk frá

mismunandi löndum var með atriði, ég söng Yfir kaldan eyðisand og Krummi snjóinn kafaði og talaði um íslenska vetur. Við sáum söng frá Kína og Óman, dans frá Kýpur og latín ameríku, stjörnuspá frá Tawian ofl ofl.

Frábært að kynnast fólkinu aðeins betur, og þetta er mjög fallegt svæði sem ég ætla að heimsækja aftur með Gunnari.

Var að koma úr gyminu búin að fara í einn jógatíma og einn magi rass og læri. Þetta er lítil ný opnuð stöð, minnir mig svolítið á þegar maður var að byrja hjá Önnu Leu og Bróa :) Aðalkosturinn er að hún er í götunni og voðalítið fólk þarna ennþá, hentar mér. Svo er sér tækjasalur fyrir konur, held hann hafi aldrei verið notður, kannski fer ég og vígi hann næstu daga.

Afmælimánuðurinn, Október með sumarblíðu og ljósanótt
Ég óska öllum afmælisbörnum mánaðarins til hamingju. Október er mikill afmælismánuður í minni fjölskyldu. Stelpurnar mínar, Kristín Hrönn og Lilja Björg eru vogir og mamma einnig, eins má telja Kötu frænku sem talaði stöðugt um það þegar við vorum krakkar að hún væri sko 2 dögum “eldri” en undirritaður. Mamma stelpnanna minna er vog , Guðlaugur frændi minn á sama afmælisdag og ég og Kristín Hrönn sama afmælisdag og bróðir hennar mömmu, Þórhallur heitinn afi Guðlaugs og svona mætti lengi telja.
Við fórum til Huldu systur Svövu minnar um síðustu helgi, hún á afmæli 6 október , og átti við góða stund með henni og Les. Fórum út að borða á mjög fínan Ítalskan veitingastað og vorum hjá þeim í góðu yfirlæti eins og ávalt þegar við förum til Grimsby.
Ég var vakinn upp með afmælissöng ,kortum og pökkum í morgun af Svövu og Bergþóru Sól og það er nú ekkert leiðinlegt fyrir utan að fá morgunmat í rúmið, TAKK.;)
Við fórum í gærkveldi niður í bæ vegna þess að það var ljósanótt hér í Leeds og töluðvert um að vera, en fyrst fórum við á ágætan veitingastað http://www.pizzaexpress.com/mainm.htm og ég fékk mér Pansetta Pomodoro http://www.pizzaexpress.com/mainmenu.htm sem á að vera svona Pizza eins og þær voru upphaflega gerðar í Róm, og miðað við það að ég er nú enginn sérstakur aðdáandi Pizzunnar þá var þetta mjög gott, þannig að það var nú ekki gæfuríkt spor að Dominosvæða þessa tegund matar. Við fengum okkur svo ekta ítalskan ís í eftirrétt.
Þegar við komum út, þá lentum við í göngu stórs hóps, "fórum svona með flæðinu", og enduðum á einhverskonar leik/fimleikasýningu fyrir utan Royal Armouries http://www.royalarmouries.org/ og eftir þá sýningu fórum við inn í safnið sem er alskonar svona dót frá mismunandi stríðstímum, mjög stórt og mikið, við Svava sögðum í kór “Hingað skulum við fara með Óðinn þegar hann kemur í heimsókn”
Það er búið að vera mjög gott veður undanfarið og gærkveldið toppaði nú allt saman með 19 gráðu hita og sól, þannig að í gærkveldi var tilfinningin sú sama og að ganga um í einhverri borg við Miðjarðarhafið.
Svava er núna þessa stundina á 3 tíma kóræfingu, þetta er sko alvöru kór sem stúlkan er í.
Svo á að toppa helgina með því að fara á einhvern mjög fínan Indverskan veitingastað í kvöld, já ég veit það er verið að spilla manni, en það er jú líka “BARA GOTT” og eins og Jón hennar Svövu segir “Ég á það skilið”.
Gunnar Halldór

Er búin að vera kryfja íslensku námskrána í náttúrufræði, hún virðist voðalega up to date miðað við nýjustu strauma og stefnur í fræðunum.

Fór í jóga, ný stöð svona lítil og heimilisleg svotil í næsta húsi vorum bara 3 í tímanum. Fæ örugglega hressilegar harðsperrur. Líkaði þetta vel og er að hugsa um að fara aftur.

Mér finnst ég vera að drukkna i fólki á leiðinni í og úr skólanum er , líka á göngum skólans, greinilegt að við íslendingar erum ekki nema þrír á ferkílómetra !

Smá fréttir

Hitti hana Erlu um daginn sem er líka í University of Leeds, hún sagði mér að það væru nokkrir íslendingar hér. Hún var nýbúin að fara í boð hjá Rory Turk sem er prófessor í íslenskum fræðum og talar íslensku og býður við og við heim þeim íslendingum sem hann veit af hér í Leeds.

Það er komið haust og það er alltaf verið að sópa lauf af gangstéttunum, annars væru þær líklega alltaf sleipar og ógeðlegar.

Bergþóra er farin að æfa kick boxing og fer á skátafundi allt með bekkjarsystur sinni henni Shenell.

Les og les ferlega hægt, alltaf að fletta upp einhverjum orðum, getur einhver sagt mér hvað ontological þýðir í uppeldisfræðilegu samhengi?

Er orðin ferlega flink að hjóla upp brekkur.

Fór í skólaheimsókn um daginn í barnaskóla, var með 8 ára krökkum. Þau vildu vita allt um ísland, hvort við hefðum rafmagn, hvort við hefðum háð einhver stríð, hitastigið, mannfjöldan, hvernig ég hefði komist til íslands. Skólarnir eru í stórum dráttum líkir okkar, allar stofur með smart board svo kennarar hafa dregið mikið úr notkun á kennslubókum. Töluvert meiri agi enda alls konar punkta og verðlaunakerfi í gangi til að verðlauna góða hegðun. Kennararnir kenna bekkjunum sínum öll fög, líka leikfimi og söng, þau eru ekki í smíði, handavinnu, myndmennt né heimilisfræði.

Haust

Það fór eins og mig grunaðir að það yrði minna um blogg um leið og ég færi að stunda nám :) Ætla samt ekki að hætta og stikla á stóru hér.

Það er komið haust eins og sést á myndinni sem tekin er í Royndhay Park, fórum þangað á laugardaginn.

Svo erum við búin að kveikja á kyndingunni því það er ansi hráslagalegt á kvöldin og morgnana án hennar.

Á sunnudaginn hélt ég að við værum að fara í rannsóknarferð í Outlet Village Junction32 en þá fór Gunnar of all people offari í búðunum og verslaði jakkaföt, úlpu, buxur, skó á sig, úlpu á Bergþóru og ég keypti mér tvö pils, því veðrið hér leyfir svoleiðis fatnað. Fínt að versla þarna og ágæt verð.

Skólinn er frábær, ég er í tveim áföngum + ýmislegt :

• nám og kennsla í náttúrufræði, um hugtakaskilning, kennslu, námsskrár, námsmat o.þ.h.
• Náttúrufræði: tilgangur, stefna og fagleg þróun, segir sig svolítið sjálft.
• svo sit ég áfanga í aðferðafræði og les efnið en þarf ekki að skila verkefnum, ætti að koma góðum notum, en aðferðafræðin úr KHÍ situr ótrúlega vel í mér svo þetta er meira eins og upprifjun enn sem komið er.
• við fáum tíma í tölvunotkun, þar bíð ég eftir kennslu í glósuforriti og gagnavinnslu og gagnagrunnum en sleppi tímum í word og powerpoint.
• tímar í academic writing, ferlega góðir tímar þjálfun í að nota orðaforða sem þarf og uppbyggingu og vinnubrögð við ritun, veitir ekki af þar sem eina námsmatið hér eru ritgerðir.
• umsjónartímar, ekki hægt að kalla þá annað, (personal tutor group) allskonar praktísk atriði og hópefli.

Og bækurnar mínar sjö !!!!!!!!!!!!! bara byrjunin fyrir hvern tíma er bent á sjö aðrar og annað eins af greinum .

Nóg í bili Svava

á myndinni er Bergþóra að fara í skólann og Channel fyrir aftan hana.

...

Núna þegar lífið er allt að komast í fastar skorður verður einhvernveginn minna fréttnæmt frá að segja. Gunnar fór með Bergþóru og Channel í bíó í gær og ég rölti um miðbæinn á meðan. Það er alveg greinilegt að hér eins og heima er það aðaltómstundaiðja fólks um helgar að versla, allt troðfullt af fólki. Keypti einn bol, er orðin svo aðhaldssöm í peningamálum.

...

Í skólanum hef ég mest verið með nokkrum konum, Miriam frá Mexico, Sumin Indversk/kananda/UK, Sandhya frá Indlandi, Kate héðan og Islaura frá Kúbu. Eigum svo sem ekkert sameiginlegt nema það að vera að reyna að fóta okkur í ma námi við kennaradeildina.

...

Hitti í fyrsta sinn mann sem ekki vissi hvar Ísland er, sá var frá Nigeríu. Aðalkennararnir mínir hafa báðir komið til Íslands og vildu vita hvort ég þekkti Björk og færi oft í BláaLónið :) eða þannig.

...

Við Gunnar dundum okkur þessa dagana að lesa uppskriftir og elda holla grænmetisrétti aðalega úr Hagkaupsbókinni, gerðum um síðustu helgi einn sem heitir einfaldur baunaréttur eða eitthvað álíka, svo sem auðvelt að gera hann en mörg hráefni eins og sést í picasaalbúminu. Svo suðum við linsubaunir og bjuggum til agalega góð buff, en suðum svo mikið af baunum að það verða linsubaunir í öll mál.

Skólinn byrjaður og fréttamenn út um allt ?

Hélt þetta væri bara vaninn hér en sá svo í Yorkshire Evening Post að þeir voru að sitja fyrir skólasystur minni henni Chelsea kærustunni hans Harry prins, hún er víst að taka MA í lögum hér við skólann.

Hausinn að springa af upplýsingum enda ég ekki í neinni æfingu. Búin að hitta suma kennarana sem verða mest með okkur. Þeir hljóma viðræðugóðir og fínir. Enn er verið að innvikla okkur í þetta nýja líf og þjónustan er alveg til fyrirmyndar. Eina sem veldur mér vonbrigðum er að í mínum kúrs þar sem við erum bara 8 enn sem komið er erum við bara tvö með einhverja kennslureynslu, ég hafði einmitt hlakkað til að ræða við kennara víðsvegar frá með allskonar reynslu. Reyndar er meira af reyndum kennurum sem eru að stúdera enskukennlu, sérkennslu og stjórnun en það eru vinsælustu kúrsarnir, við erum 75 sem erum að fara í mastersnám og diplómur við kennaradeildina og örugglega 90 % útlendingar frá öllum heimshornum. Við átta erum frá Íslandi, Indlandi, Oman, Tælandi, Hong Kong, Kenýa, tvær frá Kýpur og svo eiga eftir að bætast við enskir starfandi kennarar. Þeirra vegna eru tímarnir allir seinni hluta dags.

Annars er mest áberandi á háskólasvæðinu allir nýnemarnir og allskyns kynningabásar til að tæla inn á þá allskonar hluti misnauðsynlega, allt frá hugleiðslu, tryggingum, farsímum, lestarkortum og svo í jaðri háskólasvæðisins er verið að dreifa miðum frá næturklúbbum, pöbbum og allskyns skemmtistöðum. Líklega ellimerki hjá mér að strunsa hratt fram hjá því!

Síminn hvað !!!!!!!!!

Ég nota bara msn núna :) ´Búin að vera að spjalla í dag og í gær við hann Pétur minn, Sollu vinkonu og Möggu systir sem segist ekki munu neitt sakna okkar því hún er alltaf að tala við okkur :) Bara gaman. Nýja msn er betra en það gamla og gengur vel að nota bæði hljóð og mynd þar. Svo er skype líka frábært.

Svava

Allir slappir og kerfin á móti mér

Sumir dagar eru verri en aðrir, við erum öll enn hálfslöpp. Bergþóra veiktist í gær og fór ekki í skólann. Ég fór og var fram eftir degi, stór hluti dagskráinnar var um allskonar aðstoð sem er í boði, námsráðgjöf, heilsugæsla, viðtalsaðstoð. Líka um bókasafnið, tölvukerfið, tungumálamiðstöðina, og skills center. Þannig að það er alveg sama hvort maður stendur á gati í málfræði, ritgerðasmíð, sálarlífinu eða fær kynsjúkdóm, þá er hægt að fá aðstoð.

Annars var allt á móti mér í fyrradag, heimbankinn hjá Barkleys sagði að lykilorðin væru vitlaus, gat ekki borgað leiguna, síðan hjá TV licence (afnotagjaldi sjónvarps) virkaði ekki og svo þegar ég ætlaði að hringja eftir aðstoð virkaði síminn ekki.

Talaði við ennþá fleirra fólk, meiri kínverja, Lýbíu, stelpu frá Íran, einn frá Þýskalandi, merkilegt hvað lítið af þýskunni úr FS situr eftir, eða réttara sagt, ég skil ekki talað mál en skil meira og minna þýsku textana sem ég hef verið að syngja undanfarin ár.

Múslimarnir eru frekar áberandi hérna, sátu ábyggilega 20 í gær í salnum með slæður yfir hárinu og svo fengum við bréf heim með Bergþóru frá skólanum að margir nemendur segðust ætla að fasta núna en að skólanum þætti það helst ungt fyrir 6 ára börn að vera án matar og drykks heilan dag. Held ég geti nú alveg tekið undir það, þau dugðu rétt fram að frímínútum krílin þegar ég var að kenna sex ára.
Í háskólanum er samfélag múslima og aðstaða fyrir þá til bæna en líka kirkja og prestur sem sinnir öllum kirkjum og vinnur í samstarfi við kirkjunar sem eru mýmargar og af öllum gerðum.

Erum búin að taka lífinu með ró í dag og vonum að verða hressari eftir helgi, Bergþóra er drullufúl því það stóð til að fara í bíó en verður að bíða þar til heilsan leyfir.
Svava

Fór í skólann í morgun, bara fram að hádegi er alveg drulluslöpp og Gunnar líka. Það voru líklega svona 300 manns í hópnum hjá mér, þetta eru svona undirbúningsdagar fyrir alþjóðlega nemendur og tveir hópar svo líklega eru um 600 alþjóðlegir nemendur að byrja í skólanum núna. Að líta yfir hópinn voru 90 % svart hár, fleiri karlar og ég gat í fljótu bragði ekki séð neinn sem bar það utan á sér að vera komin á fimmtugsaldurinn svo ég upplifði mig í öllu samhengi verandi í minnihlutahóp. Ég sat með stelpun frá Ástralíu, Kína og Tælandi, fyrir framan mig heyrði ég portúgölsku, aftan spænsku og fyrir utan voru greinilega kanar svo þetta er ansi breiður hópur. Stóð mig að því að spá í því hverjir gætu svo verið með mér í kúrs og ætli ég sé ekki svona fordómafull að nördalegu strákarnir fannst mér líklegastir, kemur í ljós.

Setti annað myndband af Bergþóru á youtube og einhvað dót hér við hliðina, þarf að læra meira html til að þetta verði flott, en ef þið klikkið á þetta kemur opnast annar gluggi með youtube og allt myndbandið sést.

kv. Svava

Frábært, við missum ekki af ljósanótt, hún er hér í Leeds 12. oktober :)

Er búin að snýta af mér nefið og hnerra með látum.

Fer í skólann á morgun, þá eru dagar fyrir alþjóðlega nemendur, vona að ég hafi eitthvað gagn af þeim en það er stór munur á mér, eldgömul og búin að koma mér fyrir á flestan hátt og 19 ára stelpu frá Kína sem hefur aldrei farið að heiman og þarf að læra að lifa í allt öðruvísi samfélagi. Sum bréfin sem ég hef fengið hafa verið ansi fyndin, gleymdi reyndar alltaf að láta pabba hafa eitt sem var svona til að fullvissa foreldra að það yrði í lagi með ungana þeirra. Og svo fékk ég lykilorð ef foreldrar eða aðrir styrktaraðilar vilja borga skólagjöldin mín !

Svava

Helgin í Grimsby




Fórum um helgina til Grismby, pabbi og Iðunn systir með Stebba sinn og Nonna og Svövu voru þar í heimsókn. Við skruppum til Cleethorpe sem er nú eiginlega samvaxið Grimsby fórum þar á pöbbinn í leikjasali og á austulenskt hlaðborð, svakalega fínt. Um kvöldið var kjaftað ógurlega, og dansað við Gypsy kings, svo á einhvern óskiljanlegan hátt endaði allt í vatnsslag og það á að vera mér að kenna en getur ekki staðist því ég geri aldrei neitt sem ekki má, kannski betra að tala við þann sem vissi hvar slangan var geymd ;)
Á sunnudaginn dröslaði Iðunn Stebba í búðir og fataði hann upp fyrir veturinn en ég og Gunnar aðstoðuðum litlu hjónin við að útbúa hvílíka veislu ala Jamie Oliver. Lamb og rif og kjúklingur ( aldrei lítill matur þegar Hulda er við stjórn) fór í frábæra marineringu og allt á grillið. Meiri myndir á picasa). Pabbi og systkini Les mættu með sitt fólk í herlegheitin.

Núna er ég heima með hálsbólgu og beinverki oj bara, held að pabbi og Iðunn hafi borið þetta í mig, sendi Gunnar í búðina eftir c-vítamíni og sólhatti. hóst hóst kv. Svava

Setti inn myndir á picasa úr gönguferðum, tveimur af mörgum. Fór aftur í skólann í dag er að reyna að komast hjá því að borga dýrara skólagjaldið, vona að það takist en býst ekki við því, nú væri gott ef Ísland væri í evrópusambandinu, þá væri það enginn vafi. Gengum um skólasvæðið og er alltaf að komast að því betur hvað þetta er svakalega stór skóli. Þurfti í dag að fara í risabyggingu en það eru margar margar byggingar þarna, gamlar og nýjar. Svolítið skemmtilegt að hafa þetta svona ólíkt. Aðalbækistöðvar kennaraskólans eru í gömlu múrsteinshúsi en raunvísinda deildirnar og þar með talin kennslufræði þeirra eru í þessu risahúsi eða eins og einn sem vísaði mér til vegar í gær sagði ,, you cant miss it it´s that massive slab of concrete" Því miður varð myndavélin rafmagnslaus en tek hana bara með næst.

Veðrið er búið að vera geðveikt í dag og í gær, alveg heiðskýrt og smá gola. Vonandi verður það svona áfram þegar Iðunn og co með pabba koma í heimsókn, þau fara reyndar beint til Grimsby en við förum líka á morgun og hittum þau.

Bergþóra er alsæl í dag, ein bekkjarsystirin býr í götunni og nú er sko verið að leika þrátt fyrir skort á sameiginlegu tungumáli.

Svava

Leeds United
Hér sit ég út í garði og blogga, 23 gráðu hiti, logni og glampandi sól. Það er 6. september og veðrið hefur verið alveg dásamlegt undanfarna daga. Við keyptum okkur nokkra garðstóla og borð fyrir nokkrum dögum og það kemur sér aldeilis vel núna. Bergþóra Sól er byrjuð í skólanum á fullu og líkar vel, ég hitti skólasystir hennar í dag sem tjáði mér að hún sæti við hliðina á Bergþóru, ansi skemmtileg stelpa með stríðniglampa í augunum og ansi örugg með sig, áreiðanlega góður félagsskapur þar á ferð. Eins er BS mjög ánægð með hádegismatinn sem henni stendur til boða, sem er mikil breyting frá því að hún kvartaði yfir vondum mat í Heiðaskóla þann tíma sem hún var þar.

Svava fór hjólandi í skólan sinn til að ræða málin við skrifstofuliðið og fl. Þannig að ég sit hér einn út í garði og fæ mér te. Er nokkuð betra í heimi hér en að hugleiða um lífið og tilveruna, og hvað skal gert við slíkar kringumstæður.

Ég fór síðasta laugardag á minn fyrsta heimaleik Leeds United fc. á Elland Road.. Svava og Bergþóra Sól ákváðu að skutla mér, einum og hálfum tíma fyrir leik, sem átti að hefjast klukkan fjögur. Það tók ekki langan tíma fyrir mig að átta mig á því að ég hefði átt að fara um hádegi af stað þegar við sátum föst í umferðaröngþveiti þegar við nálguðumst leikvanginn. En allt gekk þetta vel og eftir að ég hafði keypt miða á dýrasta stað (28 pund), ekki fáanlegir aðrir miðar, þá var það einstök tilfinning að koma inn á leikfanginn nokkrum mínútum áður en flautað var til leiks og að heyra 26.800 manns syngja stuðningsöngva Leeds-áhangenda. Það fór um mig unaðshrollur og ætli maður sé ekki orðinn smá Leedsari eftir þessa heimsókn, það er nú ekki hægt annað. Að vísu voru þarna nokkuð hundruð stuðningsmenn Hattaranna, Luton Town fc. sem voru í heimsókn og þeir létu líka heyra í sér þegar tækifæri gafst. Það er í raun alveg ótrúlegt að koma á leik í 3 deildinni gömlu og það eru tæplega 27. þús. áhorfendur, þetta gæti ekki gerst annarstaðar í heiminum nema hér í heimalandi fótboltans. Leikurinn lauk með sigri “minna manna” og þetta er besta byrjun Leedsara síðan ´84, því miður var búið að draga af þeim 15 stig í byrjun, sem var einnig gert í fyrra þegar var dregið af þeim 10 stig og þess vegna féllu þeir. Enda eru stuðningsmenn Leeds alveg brjálaðir út í Deildarsamtökin og syngja háðsöngva þeim til heiðurs. Jæja ætli þetta sé ekki gott í bili, ég verð kannski eins og mér skilst að Jón Ben var orðinn þegar hann var í Danmörku, að fylgjast jafnvel með Finnsku 2 deildinni og fleira því umlíkt áður en yfirlíkur, svo segir sagan allaveganna. Nonni verðu þá bara að sverja þetta af sér.
Fótboltakveðjur
Gunnar Halldór

Díana prinsessa og Babtistakirkjan
Lítið að frétta hér út rólegheitunum. Er búin að lesa og horfa á sjónvarp. Í fyrradag var sýnt á mörgum stöðvum frá minningarathöfninni um Díönu prinsessu og líka sjónvarpsmyndin sem ég sá að var á dagskrá líka á rúv. Ég veit ekki hvað það er með Díönu prinsessu en ég man að ég grét þegar hún dó og þá var ég ekki alltaf skælandi eins og í dag, í dag þarf ég bara að hugsa um ræðuna hans Harry prins þegar hann talar um mömmu sína til að fara að tárast. Meira hvað maður getur verið meir.
Við fórum í kirkju í morgun, völdum aftur að fara í baptistakirkju South Parade Baptist Church veit ekki hvers vegna en hún er önnur af tveim sem við göngum fram hjá og virðist vera líflegt starf í henni. Messan var löng með bæði söng leiddum af orgeli og svo líka með forsöngvurum með mikrafóna og gítar, trommur og píanó. Samt svona hógvær og róleg athöfn. Margir taka þátt ein las og sýndi brot úr Shrek og talaði um að skammast sín ekki fyrir trúna, eða eins og stendur í rómverjabréfinu 1:16 eg fyrirverð mig ekki fyrir fagnaðarerindið; því það er kraftur Guðs til hjálpræðis hverjum þeim sem trúir, presturinn lagði síðan út frá sama versi og talaði lengi og vel og notaði powerpoint. Það var líka altarisganga en þar er aðstoðarfólk sem gengur með brauðið og vínið í litlum staupum til safnaðarins svo maður bara situr og fer ekki til altaris eins og við þekkjum. Svolítið öðruvísi en auðveldar gestum eins og okkur að taka þátt. Annars saknað ég í þessum messum að byrja hana ekki á signingu og í þessar var ekki Faðir vor og ekki trúarjátning. Samt falleg og nærandi athöfn.
Ekki má gleyma því að fólk gaf sig að máli við okkur ung kona og gamall karl sitt í hvoru lagi tilbúin að bjóða okkur velkomin og segja okkur frá hvernig kirkjan starfar, svo við komumst aftur að því að kirkjur eru góðir staðir til að kynnast fólki.
Annars er ég líklega búin að velja mér kór, Leeds Festival Chorus en fyrsta æfingin er ekki fyrr en 19. september og þá á að æfa Messias eftir Handel, ekki slæmt það. Flutningurinn verður svo 8. des í Leeds Town Hall. Kórinn telur eitthvað um 150 manns svo líklega kynnist maður einhverjum þar.

Þessir síðustu dagar hafa verið dálítið spes, við hérna á Stanmore Grove númer 17 erum farin að bíða eftir því að fara á fullt og Svava er orðin svo óþolinmóð að ég bíð bara eftir því að hún reyni að ráðast til inngöngu í skólann sinn og öskri; "Hleypið mér inn, ég vil fá að byrja að vinna og læra og hafa fullt að gera".

Annars höfum við nú verið að gera ýmislegt eins og sést á skrifum okkar hér að neðan. Í dag fórum við í langan og góðan göngutúr um hverfið okkar. Það er mjög skemmtilegt að uppgötva smá samann nærumhverfi sitt, maður fær þá á tilfinninguna að maður sé svona landkönnuður og sem slíkur uppgötvar maður smátt og smátt tengingar vega og göngustíga og nýjar verslanir og nýtt fólk. Einn daginn hittir maður einn skeggjaðan karl á bekk í einum garðinum og segir við hann "Doctor Livingstone, I presume?"

Í dag fundum við t.d gamalt kvikmyndahús; http://www.hydeparkpicturehouse.co.uk/ sem vel má vera að ég komi til með að heimsækja nokkuð oft, þeir sýna svona litstrænar myndir -iðekki þetta endalausa ameríska bull sem okkur er boðið upp á og skríllinn elskar að horfa á án þess að þurfa að hugsa, bara verið mataður endalaust, hvað sagði einhver góður maður "ópíum fólksins" en þar sem færrri og færri fara í kirkjur þá eru það amerískar myndir sem koma í staðin sem ópíum. Hyde park bíó bíður meira að segja upp baranasýningar á laugadögum og kostar bara 1 pund fyrir börnin.

Við urðum einnig vitni að glæp, og hefðum getað kært viðkomandi (EF ÞAÐ HEFÐI VERIÐ EINHVER MANNDÓMUR Í OKKUR) og þá hefði hann fengið 100 punda sekt. En semsagt það var ungur maður "-indverja-blendingur" í göngutúr með hundinn sinn sem einnig var einhverskonar bastarður, og semsagt þegar við gengum þarna á eftir þeim félögum þá stoppaði annar þeirra og skeit á miðja gangstéttina stórum og vellyktandi og af því loknu þá var bara haldið áfram eins og ekkert hafi gerst. Við þurftum að taka STÓRAN sveig en samt fundum við vel ILMINN í loftinu. Þessi gaur var ekki einn af þessum sem hafa poka með sér til að þrífa eftir félaga sinn, heldur frekar svona gaur sem "don´t give a shit".

Kv. Gunnar Halldór

Hérna er svo nýja myndasíðan okkar;

Ný myndasíða